ចាបឌីណាប្រធានផ្សារកណ្តាលបើកដៃឲ្យមានល្បែងស៊ីសងជាថ្នូរនឹងផលប្រយោជន៏យ៉ាងក្រាស់ក្រាលប៉ះពាល់ដល់សន្តិសុខជាតិ
05-February-2016 | ដោយ មែន កំសត់
ភ្នំពេញ៖ដំណាក់កាលចុងក្រោយនេះយើងសង្កេតឃើញល្បែងស៊ីសងកើតឡើងនិងបទល្មើសខ្លាំងចំពោះបញ្ហាអសន្តិសុខជាតិហើយ អំពាវនាវឲ្យអាជ្ញាធរពាក់ព័ន្ធចាត់វិធានការពង្រឹងសន្តិសុខសង្គម។ បច្ចុប្បន្ននេះបទល្មើសគ្រឿងញៀននិងអំពើចោរកម្ម ព្រមទាំងល្បែងស៊ីសងរាលដាលកាន់តែខ្លាំងឡើងៗ ហើយការបង្ក្រាបរបស់សមត្ថកិច្ចនៅអន់មកពីមន្ត្រីអាជ្ញាធរនិង សមត្ថកិច្ចមិនទាន់យកចិត្តទុកដាក់អនុវត្តន៍ឲ្យបានត្រឹមត្រូវតាម គោលនយោបាយភូមិ-ឃុំមានសុវត្ថិភាពនៅឡើយ។
ការបើកល្បែងស៊ីសងកន្ទុយលេខ អាប៉ោង ខ្លាឃ្លោក ក៏ដូចជាគ្រឿងញឿនបានបើកដោយសេរីតែសមត្ថកិច្ចមូលដ្ឋានធ្វើមិនដឹងមិនឮអ្វី ទាំងអស់។ល្បែងស៊ីសងនិងបទល្មើសផ្សេងៗកើតឡើងយ៉ាង ពេញបន្ទុកអ្នកញៀនល្បែងខ្លះបានចាញ់អស់លុយកាក់ទ្រព្យសម្បត្តិនាំ ឲ្យមានអំពើហិង្សាក្នុងគ្រួសារទៀតផង។ ល្បែងស៊ីសងគឺជាប្រភពនៃអសន្តិសុខសង្គម ព្រោះដើម្បីស្រង់ដើមអ្នកចាញ់ល្បែងខ្លះបានប្រព្រឹត្តអំពើចោរកម្ម លួចឆក់ប្លន់គួរឲ្យព្រួយបារម្ភ។
មួយរយៈពេលចុងក្រោយនេះ អំពើប្លន់ប្រដាប់អាវុធកើតឡើងជារៀងរាល់យប់ ហើយចោរឆក់នៅតាមដងផ្លូវធ្វើសកម្មភាពយ៉ាងអនាធិបតេយ្យ ដោយសារតែការបង្ក្រាបរបស់សមត្ថកិច្ចនៅមានកម្រិត និងមានភាពអសកម្មការងារ។
ជាក់ស្តែងមានការបើកអោយដំណើរការ ល្បែងស៊ីសង និងបៀរ អាប៉ោង ក្នុងនោះក៍មានករណីគ្រឿងញៀនកំពុងតែកើតឡើង ពេញបន្ទុកយ៉ាងអានាធិបតេយ្យនៅផ្សារកណ្តាលមិនក្រោម១ ០០០កន្លែងក្រោមការគ្រប់គ្រងរបស់ចាបឌីណាជាប្រធានផ្សារដែលប្រជាពលរ ដ្ឋដាក់ការសង្ស័យថាប្រធានផ្សាររូប
នេះបានប្រយោជន៏ក្នុង១ខែៗរាប់ម៉ឺនដុល្លារជាថ្នូរមិនបង្ក្រាបល្បែងស៊ីសង។អាជីវករក្នុងលក្ខខ័ណ្ឌមិនបញ្ចេញឈ្មោះបានអះអាងថាលោកចាបឌីណាបានប្តូរឡានគ្រប់ម៉ាកនិងស៊េរីសុទ្ធតែខ្ពស់ៗ។
ល្បែងស៊ីសងនេះបានបើកអោយដំណើរការដែល កំពុងតែប្រព្រឹត្តទៅយ៉ាងរលូនដោយមិនមានសមត្ថ កិច្ចណាហ៊ានអើពើចេញមកបង្ក្រាបឡើយ។ទីតាំងល្បែងស៊ីសងនៅផ្សារកណ្តាលនេះ មានរាប់បញ្ជូលទាំងកន្ទុយលេខបៀរ អាប៉ោងនិងគ្រឿងញៀន ផងដែរ។ ប៉ុន្តែគ្មានសមត្ថកិច្ចពាក់ព័ន្ធមួយណា ហ៊ានក្អកចេញមុខមកបិទ និងបង្ក្រាបអោយមានប្រសិទ្ធភាពឡើយ ។ កត្តាទាំងនេះធ្វើអោយប្រជាពលរដ្ឋនៅក្បែរផ្សារកណ្តាលមានការព្រួ យបារម្ភយ៉ាងខ្លាំង ដោយខ្លាចកើតមានអំពើចោរកម្ម ប្លន់ និងអសន្តិសុខសង្គម ព្រោះថាម្នាក់ៗអ្នកឈ្នះមុខខ្លាញ់ រីឯអ្នកចាញ់រាប់ម៉ឺនដុល្លារ មុខសេះរកអ្វី មិនបានក្រៅពីបែកគំនិតឆក់ប្លន់ និងប្រព្រឹត្តបទល្មើសផ្សេងៗទៀត ។ត្រូវបានប្រជាពលរដ្ឋរិះគន់ថា គោលនយោបាយភូមិឃុំ មានសុវត្ថិភាព នឹងត្រូវលោកចាប ឌីណា ក៏បាន យកមកធ្វើអាជីវកម្ម ជាន់ឈ្លីគ្មានញញើតបើកអោយមានល្បែងស៊ីសងទាំងនេះដើម្បីទទួលសំណូក ក្រោមតុបានច្រើនដាក់ហោប៉ៅផ្ទាល់ខ្លួន តែប៉ុណ្ណោះ។
ហេតុនេះស្នើដល់អាជ្ញាធររាជធានីភ្នំ ពេញមិនត្រូវបណ្ដែតបណ្ដោយតទៅទៀតទេ ហើយគួរចាត់វិធានការបង្ក្រាបល្បែងស៊ីសងនិងបទល្មើសផ្សេងៗ ដើម្បីពង្រឹងសន្តិសុខដើម្បីជូនសេចក្តីសុខជូនពលរដ្ឋគ្រប់ៗគ្នា នៅផ្សារកណ្តាលក៏ដូចជារាជធានីភ្នំពេញទាំងមូលផងដែរ។ហើយជាពិសេសនោះ ប្រជាពលរដ្ឋនៅក្បែរផ្សារកណ្តាលដាក់ឈ្មោះថ្មីឲ្យថាជាផ្សារល្បែង ព្រោះអ្នកបើក ស៊ីសងក្នុងផ្សារកណ្តាលសុទ្ធតែ ខ្មែរនិងជនជាតិវៀតណាម៕
ចំនួនអ្នកទស្សនា
- ថ្ងៃនេះ9111
- ម្សិលមិញ15191
- សប្តាហ៍នេះ52261
- ខែនេះ74141
- ឆ្នាំនេះ74141
- សរុប20516597