មនុស្សជិត១០នាក់ ត្រូវបានគេជួយសង្គ្រោះ ក្រោយពីទូកដឹកភ្ញៀវទេសចរណ៍បានលិចក្បែរ កោះរ៉ុង
09-February-2016 | ដោយ មែន កំសត់
ព្រះសីហនុ៖ភ្នាក់ងារសមត្ថកិច្ចបានរាយការណ៍ថា មនុស្សជិត១០នាក់ត្រូវបានសមត្ថកិច្ចជួយសង្គ្រោះអាយុជីវិតមុននេះបន្តិច បន្ទាប់ពីលិចទូក ក្បែរកោះរ៉ុង ប៉ុន្តែក្នុងហេតុការណ៍នោះមិនមានអ្នកគ្រោះថ្នាក់ដល់ជីវិតទេ ។
សមត្ថកិច្ចនិយាយបន្តថា នៅវេលាម៉ោង៧.០០នាទីព្រឹកថ្ងៃទី៨ខែកុម្ភះឆ្នាំ២០១៦មានករណីកំប៉ាល់ដឹកភ្ងៀវទេសចរណ៍១គ្រឿងរបស់ក្រុមហ៊ុនT.B.C របស់ចែមុំបានលេចនៅកោះរ៉ូសាឡឹម.ត្រង់ចំណុចតំបន់.២៨ ខេត្តព្រះសីហនុ ។
តាមការឲ្យដឹងពីសមត្ថកិច្ចចរាចរណ៍ផ្លូវទឹក នៅកន្លែងកើតហេតុបានឲ្យដឹងថា មានអ្នកដំណើរលើកំប៉ាល់មនុស្សចំនួន៨នាក់ ហើយអ្នកដំណើរទាំងនោះត្រូវបានជួយសង្គ្រោះភ្លាមៗផងដែរដោយមិនមានអ្នករបួសនិឹងបាត់ខ្លួននោះទេ ។
បច្ចុប្បន្ន.ភ្ងៀវទេសចរណ៍ទាំងជនបរទេសនិងភ្ងៀវជាតិរងគ្រោះត្រូវបានដឹកមកដល់គោកក្រុងព្រះសីហនុទាំងអស់ហើយ ។
ពាក់ព័ន្ធបញ្ហានេះ អភិបាលខេត្តព្រះសីហនុ ឯកឧត្តម យន្ត មីន បានឆ្លើយតបដោយមនុស្ស៨នាក់ ត្រូវបានជួយសង្គ្រោះដោយការលិចទូក ប៉ុន្តែលោកមិនលម្អិតពីមូលហេតុទេ ដោយលោករវល់នៅប្រទេសថៃ ។
ទាក់ទិននិងរឿងនេះដែរ ស្នងការនគរបាលខេត្តព្រះសីហនុ លោកឧត្តមសេនីយ៍ ជួន ណារិន បានប្រាប់ថាមនុស្ស៨នាក់ ត្រូវបានសមត្ថកិច្ចជួយសង្គ្រោះ ក្នុងនោះមានភ្ញៀវទេសចិន៦នាក់ និងខ្មែរអ្នកបើកទូក២នាក់ ។
លោកស្នងការ ចាត់ទុកថា " ដោយសារតែមិនស្តាប់ តាមការណែនាំពីសមត្ថកិច្ច និងព្រហើនផង ទើបវា អញ្ចឹង ហើយការចេញទូកនេះ ខ្ញុំហាម២ថ្ងៃហើយ គឺថ្ងៃទី៧និងទី៨កុម្ភះ ពីព្រោះវាមានរលកធំងាយរងគ្រោះ " ។
ចំនួនអ្នកទស្សនា
- ថ្ងៃនេះ10071
- ម្សិលមិញ15191
- សប្តាហ៍នេះ53221
- ខែនេះ75101
- ឆ្នាំនេះ75101
- សរុប20517557