ស្លាប់៧នាក់ក្នុងគ្រោះថ្នាក់ចរាចរណ៍ទូទាំងប្រទេសថ្ងៃចូលឆ្នាំចិន
09-February-2016 | ដោយ មែន កំសត់
ភ្នំពេញ៖លោក រុន រ័ត្នវាសនា ប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បានប្រាប់ឲ្យដឹងថា នាឱកាសចូលឆ្នាំប្រពៃណីជនជាតិចិន វៀតណាម មានករណីគ្រោះថ្នាក់ចរាចរណ៍ទូទាំងប្រទេសចំនួន១៥លើក បណ្តាលឲ្យមានមនុស្សស្លាប់៧ នាក់ រងរបួសធ្ងន់មានចំនួន១៤ នាក់។
លោក រុន រ័ត្នវាសនា បានបន្ថែមថា មូលហេតុនៃគ្រោះថ្នាក់ចរាចរណ៍ ទូទាំងប្រទេស នៅថ្ងៃចូលឆ្នាំប្រពៃណីជនជាតិចិន វៀតណាម រួមមាន ការបើកបរល្បឿនលឿនមាន ៤០លើក ស្រវឹង មាន១២លើក ប្រជែងគ្នា១២លើក មិនគោរពសិទ្ធ ០៨លើក។ ជាការគួរឲ្យកត់សម្គាល់ខេត្តដែលមានករណីគ្រោះថ្នាក់ចរាចរច្រើនជាងគេ មានដូចជាខេត្តបន្ទាយមានជ័យមានករណីគ្រោះថ្នាក់ចរាចរណ៍ចំនួន១០លើក រាជធានីភ្នំពេញ៩លើក ខេត្តព្រះសីហនុ៩លើក ខេត្តព្រៃវែង៧លើក ខេត្តកណ្តាល៥លើក និងខេត្តកំពង់ធំមានករណីគ្រោះថ្នាក់ចរាចរណ៍ចំនួន៥លើក នាឱកាសចូលឆ្នាំប្រពៃណីជនជាតិចិន វៀតណាម។
លោក រុន រ័ត្នវាសនា បានសង្កត់ធ្ងន់ថា នៅក្នុងប្រតិបត្តិការត្រួតពិនិត្យជាតិអាកុលចំពោះអ្នកបើកបរ ពេលយប់រយះពេល ៦ថ្ងៃ សមត្ថកិច្ចបានរកឃើញអ្នកដែលបើកបរក្នុងស្ថានភាពស្រវឹង១២៩៥នាក់ យកមកអប់រំ១១៥៦នាក់ ពិន័យជាប្រាក់ចំនួន៧៧នាក់ និងឃាត់ខ្លួនដើម្បីយកមកចាត់ការបន្តតាមនីតិវិធីមានចំនួន៦២ នាក់៕
ចំនួនអ្នកទស្សនា
- ថ្ងៃនេះ13261
- ម្សិលមិញ15191
- សប្តាហ៍នេះ56411
- ខែនេះ78291
- ឆ្នាំនេះ78291
- សរុប20520747