តៃកុង ងងុយដេកបើកឡានក្រឡាប់ធ្លាក់រណ្តៅការដ្ឋានផ្លូវកំពុងសាងសង់
16-February-2016 | ដោយ មែន កំសត់
កណ្ដាល៖រថយន្តតូរីសដឹកទំនិញមួយគ្រឿង ដោយសារអ្នកបើកបរងងុយដេក ងោកមួយភាំងក៏បណ្តាលឲ្យ រថយន្តរេពេញផ្លូវជ្រុលចង្កូតទៅធ្លាក់ចូលទៅក្នុងរណ្តៅការដ្ឋានផ្លូវកំពុងសាងសង់ ក្រឡាប់ចាក់ទំនិញប្រភេទគ្រឿងជ័រ ចូលក្នុងរណ្តៅការដ្ឋាន ចំណែកអ្នកបើកបរវិញ គ្រាន់តែរងរបួសស្រាលប៉ុណ្ណោះ។
ហេតុការណ៍នេះ បានកើតឡើងនៅម៉ោងជិត៥ភ្លឺ ព្រឹកថ្ងៃទី១៦ខែកុម្ភៈ ឆ្នាំ២០១៦ ស្ថិតនៅតាមបណ្តោយផ្លូវជាតិលេខ២១បេ មុខសឹករងព្រែកឬស្សី ភូមិព្រែកឬស្សី សង្កាត់កំពង់សំណាញ់ ក្រុងតាខ្មៅ ខេត្តកណ្តល។ រថយន្តដែលធ្លាក់រណ្តៅការដ្ឋាននោះម៉ាកសាំយ៉ុង ពណ៌លឿន ពាក់ស្លាកលេខ កណ្តាល 2A-6816 អ្នកបើកបរដោយយុវជនម្នាក់ មិនបានប្រាប់ឈ្មោះនោះឡើយទេ ។ ក្រោយកើតហេតុម្ចាស់រថយន្ត បានហៅរថយន្តស្ទូចមកស្ទូចយកទៅជួសជុលដោយខ្លួនឯង ៕
ចំនួនអ្នកទស្សនា
- ថ្ងៃនេះ12591
- ម្សិលមិញ15191
- សប្តាហ៍នេះ55741
- ខែនេះ77621
- ឆ្នាំនេះ77621
- សរុប20520077