ដឹកស្រីស្នេហ៍ទៅលេងផ្សាររាត្រី ប្រពន្ធតាមទាន់បត់រថយន្តបុកប្រពន្ធផ្ទុបនឹងតូបលក់ដូរស្លាប់
19-February-2016 | ដោយ មែន កំសត់
បន្ទាយមានជ័យ៖ស្ត្រីម្នាក់ត្រូវបានគេរាយការណ៍ថាបានស្លាប់បន្ទាប់ពីបញ្ជូនទៅដល់មន្ទីរពេទ្យបង្អែកមិត្តភាពកម្ពុជា-ជប៉ុនខណះត្រូវប្តីកំហូចបត់រថយន្តបុកផ្ទុបទៅនឹងតូបលក់ដូរមួយក្នុងផ្សាររាត្រីពេលដែលតាមទាន់ប្តីកំពុងតែដឹកស្រីស្នេហ៍ដើរលេង។
ហេតុការណ៍ដ៏រន្ធត់នេះបានកើតឡើងកាលពីវេលាម៉ោង១៩និង២០នាទីយប់ថ្ងៃទី១៨ខែកុម្ភះឆ្នាំ២០១៦នៅចំនុចបរិវេណខាងកើតផ្សាររាត្រីស្ថិតក្នុងភូមិព្រះពន្លាសង្កាត់ព្រះពន្លាក្រុងសិរីសោភ័ណខេត្តបន្ទាយមានជ័យ។
យោងតាមសមត្ថកិច្ចមន្ត្រីនគរបាលបានបញ្ជាក់ថា ករណីនេះគឺមកពីប្រពន្ធតាមទាន់ប្តីកំពុងដឹកស្រីស្នេហ៍ដើរលេងហើយប្តីភ័យក៏បត់រថយន្ត ប្រពន្ធឃើញដូច្នេះក៏រត់ពីមុខរថយន្តបំណងទៅទាញទ្វារខាងស្រីស្នេហ៍តែចៃដន្យក៏ត្រូវបុកគៀបជាប់នឹងតូបតែម្តង។ ក្រោយកើតហេតុបុរសជាប្តីក៏ស្ទុះចុះមកបីត្រកងប្រពន្ធយំស្រែករ៉ាយរាប់ពីកំហុសរបស់ខ្លួនដែលបង្កអោយប្រពន្ធទៅជាបែបនេះ រីឯនារីជាស្រីស្នេហ៍ចុះពីរថយន្តគេចខ្លួនបាត់ស្រមោល៕
ចំនួនអ្នកទស្សនា
- ថ្ងៃនេះ12011
- ម្សិលមិញ15191
- សប្តាហ៍នេះ55161
- ខែនេះ77041
- ឆ្នាំនេះ77041
- សរុប20519497