បុគ្គលិកក្រុមហ៊ុនទូរស័ព្ទ Metfone ឡើងតខ្សែកាប្តិ៍ ដាច់ខ្សែក្រវ៉ាត់ធ្លាក់ស្លាប់នៅស្រុកកោះសូទិន
24-February-2016 | ដោយ មែន កំសត់
កំពង់ចាម៖ បុគ្គលិកក្រុមហ៊ុនទូរស័ព្ទ097 Metfone ម្នាក់បានធ្លាក់ស្លាប់មួយរំពេច ខណៈដែលជនរងគ្រោះ កំពុងឡើងតខ្សែកាប្តិ៍ នៅលើបង្គោលភ្លើងដែលមានកម្ពស់៨ម៉ែត្រ ស្រាប់តែដាច់ខ្សែក្រវ៉ាត់ការពារ នៅរសៀលថ្ងៃទី២៣ ខែកុម្ភៈ ឆ្នាំ២០១៦នេះ ស្ថិតនៅចំណុចក្បាលស្ពានពង្រ ភូមិពង្រលិច ឃុំពង្រ ស្រុកកោះសូទិន ខេត្តកំពង់ចាម។
តាមប្រភព មន្ត្រីនគរបាលមូលដ្ឋាន បានឲ្យដឹងថា ជនរងគ្រោះឈ្មោះ វីសុ ភាច អាយុ២០ឆ្នាំ។ បើតាមមន្ត្រីនគរបាល មុនពេលកើតហេតុ ជនរងគ្រោះ បានឡើងទៅលើបង្គោលភ្លើងដែលមានកម្ពស់៨ម៉ែត្រ ដើម្បីតខ្សែកាប្តិ៍ ដោយមានការពាក់ខ្សែក្រវ៉ាត់ដូចសព្វរាល់ដង ស្រាប់តែកំពុងតនោះខ្សែក្រវ៉ាត់ការពារបានដាច់ ក៏ធ្លាក់ជនរងគ្រោះមកក្រោមបណ្តាលឲ្យស្លាប់ភ្លាមៗតែម្តង។ ក្រោយកើតហេតុ សមត្ថកិច្ចមូលដ្ឋាន និងជំនាញបានចុះទៅធ្វើកោសល្យវិច័្ចយ រួចបញ្ជាក់ថា ជនរងគ្រោះពិតជាស្លាប់ដោយសារធ្លាក់ពីលើបង្គោលភ្លើងប្រាកដមែន។
ក្រោយពិនិត្យសពរួច សមត្ថកិច្ចបានប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណី៕
ចំនួនអ្នកទស្សនា
- ថ្ងៃនេះ14071
- ម្សិលមិញ15191
- សប្តាហ៍នេះ57221
- ខែនេះ79101
- ឆ្នាំនេះ79101
- សរុប20521557