សម្តេចតេជោ ៖« បើមានជនព្រហើនបន្តកាប់ឈើ បាញ់រ៉ុក្កែត ពីលើឧទ្ធម្ភាក្រចក្រតែម្ដងទៅ»
25-February-2016 | ដោយ មែន កំសត់
ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានព្រមានធ្ងន់ៗថា ប្រសិនមានជនព្រហើន និងរញ៉េរញ៉ៃហើយបន្តកាប់ឈើខុសច្បាប់នោះសម្តេចបញ្ជាទៅកាន់នាយឧ ត្តមសេនីយ៍ សៅ សុខា ប្រធានគណៈកម្មការជាតិដើម្បីទប់ស្កាត់ និងបង្ក្រាបបទល្មើសព្រៃឈើ អោយប្រើឧទ្ធម្ភាក្រចក្របាញ់គ្រាប់រ៉ុក្កែតពីលើអាកាសកំទេចចោលតែម្តង ។
សម្តេចតេជោ ហ៊ុន សែន បានមានប្រសាសន៍បែបនេះ នៅក្នុងពិធីបើកសន្និបាត និងសម្ភោធអាគារ មរតកតេជោនៃក្រសួងបរិស្ថាននៅព្រឹកថ្ងៃទី២៥ ខែកុម្ភៈ ឆ្នាំ២០១៦នេះ។
សម្តេចតេជោ បានមានប្រសាសន៍បញ្ជាក់ថា "យើងទទួលនូវការឈឺចាប់ណាស់នៅពេលដែលគេស្រែក ជាពិសេសពាក់ព័ន្ធនិងការកាប់បំផ្លាញព្រៃឈើ ។ប៉ុន្តែយើងទទួលស្គាល់អាកាប់ព្រៃឈើបំផ្លាញនេះ ត្រូវតែមានទោសទណ្ឌ ត្រូវតែបង្ក្រាបហើយ ខ្ញុំឲ្យឧទ្ធម្ភាក្រចក្រពីរគ្រឿង តែសៅ សុខា ដូចជាមិនទាន់បាញ់មួយគ្រាប់ផងទេ"។
សម្តេចមានប្រសាសន៍ប ញ្ជាក់បន្ថែមទៀតថា "ខ្ញុំឲ្យបាញ់ បើថាវាព្រហើន រ៉ុក្កែតដាក់ពីលើ គ្មានរញ៉េរញ៉ៃទេ ប៉ុន្តែបញ្ហាយើងដាក់ជាសំណួរហេតុអីបានជាខ្ញុំនិយាយអំពីរឿងឈើ បើមិនកាប់អាព្រៃល្អិតល្អោចនេះទេ ធ្វើម្តេចដាំកៅស៊ូកើត ដល់ពេលយើងកាប់នេះហើយដល់ពេលវេលាដែលគេឃោសនាវ៉ៃប្រហារ ប៉ុន្តែខ្ញុំសុំសួរ ! ឧទាហរណ៍ នៅប្រទេសម៉ាឡេស៊ី ដើម្បីឲ្យមានដូងប្រេង និងកៅស៊ូពេញដី ពីដើមដីនៅម៉ាឡេស៊ី មានព្រៃអត់? ច្បាស់ជាមានហើយ នៅថៃ នៅឥណ្ឌូនេស៊ី នៅស្អីគ្រប់តែប្រទេសហ្នឹង រឿងរ៉ាវវាអីចឹង"។
សម្តេចតេជោ ក៏បានសង្កត់ធ្ងន់ទៀតថា "ប៉ុន្តែខ្ញុំមិនឯកភាពទេ កាប់បំផ្លាញព្រៃឈើ ហើយឥឡូវថ្មីៗទូរទស្សន៍បញ្ចាំងព្រឹកមិញ នៅឯណានោះ កាប់អស់រាប់សិប រាប់រយហិកតា កាប់បំពាន កាប់ទន្ទ្រានយកដី កាប់ហើយដុតឈើចោលយកដី"៕
ចំនួនអ្នកទស្សនា
- ថ្ងៃនេះ13711
- ម្សិលមិញ15191
- សប្តាហ៍នេះ56861
- ខែនេះ78741
- ឆ្នាំនេះ78741
- សរុប20521197