​ត្បូងឃ្មុំ​៖​គ្រោះថ្នាក់​ចរាចរណ៍​រថ​យន្ត ម៉ាក​ហ៊ីយ៉ានដាយ ៥ ភ្លៅ​ដឹក​ដំឡូង​មី​ស្ងួត​ចូលដេក​ក្នុង​ជ្រោះ​តែម្នាក់ឯង ។ ហេតុការណ៍​នេះ​បាន​កើតឡើង​នៅវេលា​ម៉ោង ជាង ៤​ទៀបភ្លឺ ថ្ងៃទី ២៥ កុម្ភៈ ឆ្នាំ ២០១៦ ស្ថិតនៅលើ​កំណាត់​ផ្លូវជាតិ​លេខ​៧ ក្នុងភូមិ​មាត់​ឃ្មួ​ង ឃុំ ជី​រោទិ៍ ២ ស្រុក​ត្បូងឃ្មុំ ខេត្ត​ត្បូងឃ្មុំ ។​

 តាម​ប្រភពពី​សម​ត្ត​កិច្ច​នៅ​កន្លែងកើតហេតុ បាន​ឲ​ដឹងថា នៅវេលា​ម៉ោង​ខាងលើ មាន​រថយន្ត​ម៉ាក​ហ៊ីយ៉ានដាយ ៥​ភ្លៅ​ដឹក​ដំឡូង​ម៉ី​ស្ងួត ១​គ្រឿង​ពណ៌​ច្រែះ​លាយ​ត្រេអ៊ី គ្មាន​ស្លាក​លេខ​បើកបរ​ដោយ​ឈ្មោះ សាន វុទ្ធី ភេទ​ប្រុស អាយុ ៤៦ ឆ្នាំ រស់នៅ​ក្នុងភូមិ ជិ​កុ​ច ឃុំ​ក្រែក ស្រុក​ពញាក្រែក ខេត្ត​ត្បូងឃ្មុំ បាន បើក​ពី​លិចទៅ​កើត មកដល់​កន្លែងកើតហេតុ​ខាងលើ ក៏ ជ្រុល​ចង្កូត​ហួស​ចូលទៅក្នុង​ជ្រោះ​ក្រឡាប់​ដេក​ស្ងៀម​តែម្ដង តែ​មិន​បណ្ដាល​ឲ​អ្នកណា​ស្លាប់ ឬក៏ រងរបួស​នោះឡើយ ៕​
 

បច្ចុប្បន្ន​ដំឡូង​មី​ក្នុង​រថយន្ត​កំពង់តែ​សាង​ដាក់ រថយន្ត​ផ្សេង​មួយទៀត រីឯ​រថយន្ត​ដែល​ក្រឡាប់​នោះ នៅ​ដេក​ផ្ងារជើង​កន្លែងកើតហេតុ​ដដែល ៕
​ដោយ​ហ៊ាង​អ៊ា​ម​ហ៊ុយ​
​