ព្រះសង្ឃ ឡើងបេះដូងខ្លួនឯង ធ្លាក់ពីលើចុងដូងបណ្តាលឲ្យសុគត់
08-March-2016 | ដោយ មែន កំសត់
បន្ទាយមានជ័យ ៖ ព្រះសង្ឃមួយអង្គ បានឡើងទៅបេះដូងយកមកឆាន់មិនប្រយ័ត្នធ្លាក់ ពីលើចុងដូងបណ្តាលឲ្យសុគត់ក្រោយពីបានបញ្ជូនទៅ មន្ទីរពេទ្យនៅវេលាម៉ោង ១០ ព្រឹក ថ្ងៃទី ៧ ខែមិនា ឆ្នាំ២០១៦ នៅត្រង់ចំណុច វត្ត ស៊ិនសួននារាម ហៅវត្តចំណោម ស្ថិត ក្នុងភូមិ រង្វានកើត ឃុំ ចំណោម ស្រុក មង្គលបូរី ខេត្ត បន្ទាយមានជ័យ។
លោកវរៈសេនីយ៍ត្រី ស៊ី ឌី អធិការនគបាលស្រុកមង្គលបូរីបានឲ្យដឹងថាព្រះសង្ឃដែលធ្លាក់ពីលើចុងដូងសុគត់នោះមានឈ្មោះព្រះនាម ចែម លៀប មានព្រះជន្ម១៥វស្សា រស់នៅក្នុង ភូមិរង្វានកើត ឃុំ ចំណោម ស្រុក មង្គលបូរី ខេត្ត បន្ទាយមានជ័យ។
លោកស៊ី ឌី បានបញ្ជាក់ទៀតថា ៖ មុនពេលកើតហេតុនោះព្រះសង្ឃព្រះនាមចែមលៀបបានឡើងបេះដូងដែលមានកំពស់ដល់ទៅ៧ម៉ែត្រក្រោយពេល ព្រះសង្ឃនោះឡើងទៅដល់ចុងដូងហើយមិនប្រយ័ត្នក៏ធ្លាក់ពីលើដើមដូងកម្ពស់៧ម៉ែត្របណ្តាលឲ្យរងរបួសជាទម្ងន់ក្រោយពេលដែលសាច់ញាត្តិដឹកយកទៅមន្ទីរមិត្តភាព កម្ពុជា ជប៉ុន នៅស្រុកមង្គលបូរី ដើម្បីព្យាបាល នោះដោយសារតែរបួសធ្ងន់ពេក ព្រះសង្ឃនោះក៏បានសុគត់ទៅ ព្រះសពត្រូវបានក្រុមគ្រួសាររៀបចំចាត់ចែងធ្វើបុណ្យតាម ប្រពៃណី ក្នុងបរិវេណ វត្តតែម្តង ៕
ចំនួនអ្នកទស្សនា
- ថ្ងៃនេះ1961
- ម្សិលមិញ15681
- សប្តាហ៍នេះ60801
- ខែនេះ82681
- ឆ្នាំនេះ82681
- សរុប20525137