បន្លំខ្លួនធ្វើប្ដី ដេកអោប និងចាប់ រំលោភ ខាងស្រីស្ទាបប្រដាប់ភេទ ខុស ពីប្ដី ផ្អើលពេញភូមិ
14-March-2016 | ដោយ មែន កំសត់
ភ្នំពេញ៖ បុរសម្នាក់បានធ្វើសកម្មភាពចូលទៅរោងលក់ដូររបស់ស្ត្រីរងគ្រោះ បានបន្លំធ្វើជាប្តីជនរងគ្រោះ ហើយក៏បានចាប់រំលោភស្ត្រីរងគ្រោះ ខណៈពេលដែលប្តីស្ត្រីរងគ្រោះមិននៅផ្ទះរួចត្រូវបានស្ត្រីរងគ្រោះស្រែកឆោរឡោរ ហេតុការណ៍នេះបានកើតឡើងកាលពីវេលាម៉ោង ៩និង២០នាទីយប់ ថ្ងៃទី១២ ខែមីនា ឆ្នាំ២០១៦ ស្ថិតនៅចំណុចក្នុងរោងលក់ដូរ ផ្លូវលំ ក្រុមទី១ ភូមិក្បាលកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ ។
បើតាមប្រភពព័ត៌មានពីស្ត្រីរងគ្រោះបាននិយាយប្រាប់ថា នៅមុនពេលកើតហេតុ ស្ត្រីរងគ្រោះបានចូលទៅដេកនៅក្នុងរោងលក់ដូររបស់ខ្លួន ដែលស្ថិតនៅតំបន់ទេសចរណ៍ឆ្នេរខ្សាច់កោះដាច់ដូចសព្វដង ចំណែកឯប្តីរបស់ស្ត្រីរងគ្រោះមិនទាន់បានចូលដេកទេ ដោយបានទៅបង់សំណាញ់ចាប់ត្រីនៅទន្លេមេគង្គដែលនៅក្បែរទីនោះ ។
ជនសង្ស័យមានឈ្មោះ ឃឹម សុភ័ក្ត្រ ភេទ ប្រុស អាយុ ២៧ឆ្នាំ មុខរបរ លក់ដូរ ជនជាតិ ខ្មែរ មានទីលំនៅផ្ទះគ្មានលេខ ក្រុមទី១ ភូមិក្បាលកោះ សង្កាត់កោះដាច់ ខណ្ឌជ្រោយចង្វារ ដែលមានរោងលក់នៅក្បែរគ្នាបានដើរចេញពីរោងលក់ដូររបស់ខ្លួន គោលបំណង់ទៅបត់ជើងនៅខាងក្រៅ ដោយស្លៀកតែកន្សែងពោះគោ ។
ក្រោយពីបត់ជើងរួច ជនសង្ស័យក៏បានដើរត្រឡប់មករោងលក់ដូររបស់ខ្លួនវិញ ដោយបានដើរកាត់តាមរោងលក់ដូររបស់ស្ត្រីរងគ្រោះ ក៏ប្រទះឃើញស្ត្រីរងគ្រោះកំពុងតែដេកនៅក្នុងរោងនោះតែម្នាក់ឯង រួចក៏បានដើរចូលទៅក្នុងរោងរបស់ស្ត្រីរងគ្រោះ ដោយបន្លំធ្វើជាប្តីរបស់ស្ត្រីរងគ្រោះបានចូលទៅដេកជាមួយជនរងគ្រោះ អង្អែលខ្លួនប្រាណស្ត្រីរងគ្រោះ រួចបានចាប់សម្រាត់សំពត់ស្ត្រីរងគ្រោះចេញ រួចក៏បានឡើងពោបពីលើ ហើយបានធ្វើសកម្មភាពរំលោភសេពសន្ថវៈ ដោយបានយកប្រដាប់ភេទរបស់ជនសង្ស័យដាក់ចូលប្រដាប់ភេទរបស់ស្ត្រីរងគ្រោះ ។
នៅពេលនោះដែល ស្ត្រីរងគ្រោះមានការសង្ស័យព្រោះអ្វីៗប្លែកខុសពីប្តីរបស់ខ្លួន ទើបដឹងថាមានគេរំលាភសេពសន្ថវៈ ពេលនោះ ស្ត្រីរងគ្រោះក៏បានស្រែកឆោរឡោឡើងថា មានគេចាប់រំលោភ អ្នកនៅជិតខាងក៏បានចេញមកជួយ ចំណែកឯជនសង្ស័យបានស្ទុះរត់ចេញពីរោងលក់ដូចរបស់ស្ត្រីរងគ្រោះបានគេចខ្លួនបាត់ ដោយបន្សល់ទុកកន្សែងពោះគោចំនួន ០១ និងស្បែកជើងផ្ទាល់របស់ជនសង្ស័យ ។ ចំណែកឯស្ត្រីរងគ្រោះមានឈ្មោះ ណន ស្រីល័ក្ខ ភេទ ស្រី អាយុ ២០ឆ្នាំ មុខរបរ លក់ដូរ ជនជាតិ ខែ្មរ ស្នាក់នៅកន្លែងកើតហេតុខាងលើ ។
ក្រោយពីកើតហេតុ ស្ត្រីរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលកោះដាច់អោយជួយស្វែងរកជនសង្ស័យយកមកចាត់ការតាមច្បាប់ ។ នៅពេលដែលស្ត្រីរងគ្រោះបានដាក់ពាក្យបណ្តឹងរួចមក កម្លាំងសមត្ថកិច្ចប៉ុស្តិ៍នគរបាលកោះដាច់បានធ្វើការស្រាវជ្រាវដល់ថ្ងៃទី១៣ ខែមីនា ឆ្នាំ២០១៦ វេលាម៉ោង ១និង០០នាទីរសៀល ទើបកម្លាំងសមត្ថកិច្ចបានធ្វើការឃាត់ខ្លួនជនសង្ស័យខាងលើ ដែលស្ថិតនៅចំណុចព្រៃខាងក្រោយភូមិក្បាលកោះ សង្កាត់កោះដាច់ នាំយកមកប៉ុស្តិ៍នគរបាលកោះដាច់ធ្វើការសាកសួរ ។
បច្ចុប្បន្នជនសង្ស័យខាងលើ ត្រូវបានកម្លាំងសមត្ថកិច្ចប៉ុស្តិ៍នគរបាលកោះដាច់ បានបញ្ជូនខ្លួនមកឃុំជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វារ និងបញ្ជូនទៅកាន់តុលាការ ដើម្បីចាត់ការបន្តតាមនីតិវិធីនៃច្បាប់ ៕
ចំនួនអ្នកទស្សនា
- ថ្ងៃនេះ5351
- ម្សិលមិញ15681
- សប្តាហ៍នេះ64191
- ខែនេះ86071
- ឆ្នាំនេះ86071
- សរុប20528527