កម្លាំងនគរបាលខេត្តបាត់ដំបង ចុះបង្ក្រាបករណីគ្រឿងញៀននៅ Karaoke
14-March-2016 | ដោយ មែន កំសត់
បាត់ដំបង៖ កម្លាំងនគរបាលជំនាញបង្ក្រាប នៃស្នងការដ្ឋាននគរបាលខេត្តបាត់ដំបង ក្រោមការបញ្ជាផ្ទាល់ពីសំណាក់ ស្នងការនគរបាលខេត្ត លោកឧត្តមសេនីយ៍ ស ថេត និងមានការឯកភាពពីតំណាង អយ្យការអមសាលាដំបូងខេត្តលោក នួន សាន នៅយប់ថ្ងៃទី១៣ ខែមីនា ឆ្នាំ២០១៦ បានបើកប្រតិបត្តិការ ចុះទៅបង្ក្រាបករណីចែកចាយ និងប្រើប្រាស់គ្រឿងញៀននៅបន្ទប់៨៨៨៨ និង៩៩៩៩ នៃខារ៉ាអូខេ Pacific Night Taste ស្ថិតនៅសង្កាត់ ស្វាយប៉ាក ក្រុងបាត់ដំបង។
មន្ត្រីនគរបាលខេត្តបាត់ដំបង បានថ្លែងប្រាប់ឲ្យដឹងថា ៖ នៅព្រឹកថ្ងៃទី១៤ ខែមីនា ឆ្នាំ២០១៦នេះថា សម្រាប់ប្រតិបត្តិការ ចុះបង្ក្រាបករណីគ្រឿងញៀននេះ កម្លាំងនគរបាលបានចាប់ខ្លួន មនុស្សចំនួន១៥នាក់ ក្នុងនោះស្រី៤នាក់ ហើយក្រោយពិនិត្យ ទឹកនោមរួចមក មានសារធាតុញៀន ចំនួន១៣នាក់។ ក្រៅពីការចាប់ខ្លួន ជនសង្ស័យទាំងនេះ កម្លាំងនគរបាលក៏បានដកហូត ឧបករណ៍សម្រាប់ជក់គ្រឿងញៀន មួយចំនួនផងដែរ ។
នៅពេលនេះ ជនសង្ស័យទាំងនេះ ស្ថិតក្រោមការសកសួរ នៅស្នងការដ្ឋាននគរបាលខេត្ត ដើម្បីកសាងសំណុំរឿងបញ្ជូនទៅ តុលាការ ចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ5151
- ម្សិលមិញ15681
- សប្តាហ៍នេះ63991
- ខែនេះ85871
- ឆ្នាំនេះ85871
- សរុប20528327