អគ្គិភ័យឆាបឆេះ ហាងលក់សំលៀកបំពាក់ យីហោ «ឌីយ៉ាម៉ង់» សង្កាត់ផ្សារថ្មីទី៣
15-March-2016 | ដោយ មែន កំសត់
ភ្នំពេញ៖ ហាងលក់សំលៀកបំពាក់ យីហោ «ឌីយ៉ាម៉ង់» ត្រូវបានអគ្គិភ័យឆាបឆេះ បណ្តាលឲ្យខូចខាតសម្ភារមួយចំនួនធំ នៅវេលាម៉ោង ៣និង៥០នាទីទៀបភ្លឺ ថ្ងៃទី១៥ ខែមីនានេះ ស្ថិតនៅតាមបណ្តោយផ្លូវលេខ១៣៦ ភូមិ១ សង្កាត់ផ្សារថ្មីទី៣ ខណ្ឌដូនពេញ។
បើតាមសំដីបុគ្គលិកជាច្រើនរូប ដែលរត់ចេញពីក្នុងផ្ទះ បន្ទាប់ពីសមត្ថកិច្ចជួយ វាយកំទេចសោរឲ្យចេញបានប្រាប់ថា នៅមុនកើតហេតុ គឺពួកខ្លួនទាំងអស់គ្នាកំពុងតែដេក ក៏ស្រាប់តែមានអណ្តាតភ្លើង ផ្សែងហុយពេញផ្ទះ ធ្វើឲ្យភ្ញាក់ដឹងខ្លួន ក៏នាំគ្នារកផ្លូវរត់ចេញមកក្រៅ តែមិនអាចរត់ចេញមកក្រៅបាននោះទេ ដោយសារម្ចាស់ហាងបានឲ្យបុគ្គលិកដេកនៅក្នុងនោះ តែចាក់សោរពីខាងក្រៅ។ ភ្លាមនោះធ្វើឲ្យអ្នកដែលដេកក្នុងនោះទាំងអស់ មានការភិតភ័យជាខ្លាំង ក៏នាំគ្នាស្រែកឲ្យអ្នកជិតខាជួយ ព្រោះពួកខ្លួនទាំងអស់មិនអាចរត់ចេញក្រៅបានទេ ដោយសារតែម្ចាស់ហាង បានចាក់សោរពួកគេឲ្យដេកនៅក្នុងនោះ។
បន្ទាប់ពីស្រែកក៏បានអ្នកជិតខាង ជួយរាយការណ៍ទៅសមត្ថកិច្ច និងខាងអគ្គីភ័យមកជួយពន្លត់។ ពេលកម្លាំងសមត្ថកិច្ចមកដល់ក៏ឃើញបុគ្គលិកជាច្រើននាក់ ភិតភ័យដោយសារអណ្តាតភ្លើង និងផ្សែងពេញក្នុងផ្ទះ ភ្លាមនោះសមត្ថកិច្ចជាច្រើននាក់ បានជួយវាយកំទេចសោរទ្វារផ្ទះ ដើម្បីជួយសង្គ្រោះអាយុជិវិតបុគ្គលិកទាំងអស់នោះ ឲ្យរត់ចេញមកក្រៅទាំងព្រលឹងចុងសក់។
អគ្គីភ័យនេះត្រូវបានក្រុមពន្លត់ របស់ស្នងការដ្ឋានក្រុងភ្នំពេញជួយ បាញ់ពន្លត់អស់ទឹកជាច្រើនឡាន ទើបរលត់ហើយបណ្តាលឲ្យសម្ភារជាច្រើន រងការខូចខាតផងដែរ៕
ចំនួនអ្នកទស្សនា
- ថ្ងៃនេះ5301
- ម្សិលមិញ15681
- សប្តាហ៍នេះ64141
- ខែនេះ86021
- ឆ្នាំនេះ86021
- សរុប20528477