ស្រវឹងស្រា ទៅដេកក្នុងខ្ទម ខណៈភ្លើងឆេះព្រៃរាលដាលឆេះខ្ទមរត់មិនរួចត្រូវ ស្លាប់
21-March-2016 | ដោយ មែន កំសត់
ក្រចេះ៖ បុរសម្នាក់ត្រូវបានគេប្រទះឃើញស្លាប់ យ៉ាងអណោចអធម ដោយសារភ្លើងឆេះនៅព្រៃចម្ការមួយកន្លែង ត្រង់ចំណុចទួលខ្នុរខាងក្រោយភូមិថ្មរាប ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ កាលពីថ្ងៃទី២០ ខែមីនា ឆ្នាំ២០១៦ ។
តាមការ ឲ្យដឹងពីប្រពន្ធជនរងគ្រោះ បាននិយាយប្រាប់ឲ្យដឹងថាប្តីរបស់គាត់ឈ្មោះ គាត ណារ៉ា អាយុ ៤៣ឆ្នាំ។ កន្លងមក ប្តីរបស់គាត់តែងតែផឹកស្រាស្រវឹងដេកលក់ស្ទើរតែរៀងរាល់ល្ងាចនៅក្នុង ខ្ទមចាំចម្ការមួយនោះ។ នៅល្ងាចថ្ងៃកើតហេតុ គាត់ក៏ស្រវឹងស្រាជោកជាំដែរ និងបានដើរមកដេកនៅរោងខ្ទមចម្ការម្នាក់ឯង ដូចសព្វមួយដងហើយ ក៏ត្រូវភ្លើងឆេះព្រៃរាលដាលឆេះខ្ទមនោះបណ្តាលឲ្យឆេះប្តីគាត់ ស្លាប់តែម្តង។
សមត្ថកិច្ចនគរបាលស្រុកព្រែកប្រសព្វ បានឱ្យដឹងថា ក្រោយកើតហេតុនគរបាលចុះទៅពិនិត្យនិងធ្វើកោសល្យវិច័យសព បានបង្ហាញឱ្យឃើញថា គឺមិនមានស្លាកស្នាមអ្វីគួរឲ្យកត់សម្គាល់នោះទេ ហើយក៏បានសន្និដ្ឋានថា បុរសរងគ្រោះពិតជាស្លាប់ដោយសារភ្លើងឆេះប្រាកដមែន រួចក៏ប្រគល់ឱ្យក្រុមគ្រួសាររៀបចំធ្វើបុណ្យទៅតាមប្រពៃណី៕
ចំនួនអ្នកទស្សនា
- ថ្ងៃនេះ10681
- ម្សិលមិញ15681
- សប្តាហ៍នេះ69521
- ខែនេះ91401
- ឆ្នាំនេះ91401
- សរុប20533857