ផឹកស្រាស្រវឹងជោគ បើកយានយន្តលឿនបុករ៉ឺម៉កម៉ូតូកង់បី ដួលបោកក្បាលខ្លួនឯង
22-March-2016 | ដោយ មែន កំសត់
បន្ទាយមានជ័យ ៖ យុវជនម្នាក់ផឹកស្រាស្រវឹងជោគ ជាំ បានបង្កើនយានយន្តល្បឿនបោះពួយយ៉ាងលឿនដូចហោះ ក្នុងទិសដៅពីលិចទៅកើត លុះមកដល់ ចំណុចផ្លូវ បេតុង ក្បែរទីស្នាក់ការអាវុធហត្ថ៥៦៨ ស្ថិតក្នុងភូមិ មិត្តភាព សង្កាត់ប៉ោយប៉ែត ក្រុងប៉ោយប៉ែត បានរ៉េ ដៃចង្កូតពេញផ្លូវ ក៏ជ្រុលទៅបុករ៉ឺម៉កម៉ូតូកង់បី ដែល បើកបរបញ្ច្រាសទិសគ្នាយ៉ាងពេញទំហឹង បណ្តាល ឲ្យក្រឡាប់ផ្ញារជើង និងរងរបួសស្រាល ឯជនបង្កវិញ ដួលបោកក្បាលនិងថ្នល់ រងរបួសធ្ងន់ធ្ងរ ហូរឈាម ស្រោចពេញផ្លូវ ។
ហេតុការណ៍គ្រោះថ្នាក់ចរាចរណ៍ខាងលើនេះ បាន កើតឡើង នៅវេលាម៉ោង ជាង២១និង៣០នាទីយប់ ថ្ងៃទី២១ ខែមីនា ឆ្នាំ២០១៦នេះ ដោយជនបង្ក គេពុំបានស្គាល់អត្តសញ្ញាណទេ ព្រោះរងរបួសធ្ងន់ ធ្ងរពេក ត្រូវសាច់ញាតិ ដឹកបញ្ជូនទៅសង្គ្រោះបន្ទាន់ នៅមន្ទីរពេទ្យភ្លាមៗ ឯជនរងគ្រោះ និងយានយន្ត ជំនិះពាក់ព័ន្ធ ត្រូវសមត្ថកិច្ចនាំយក ទៅរក្សាទុក នៅ ប៉ុស្តិ៍ រង់ចាំធ្វើការដោះស្រាយ នាពេលក្រោយ ៕
ចំនួនអ្នកទស្សនា
- ថ្ងៃនេះ7451
- ម្សិលមិញ15681
- សប្តាហ៍នេះ66291
- ខែនេះ88171
- ឆ្នាំនេះ88171
- សរុប20530627