នគរបាលបញ្ជូនខ្លួនបុរសម្នាក់ទៅតុលាការពីបទប្រទូសកេរ្តិ៍ក្មេងស្រីអាយុ៩ឆ្នាំ
23-March-2016 | ដោយ មែន កំសត់
កំពង់ឆ្នាំង ៖ នៅរសៀលថ្ងៃទី២២ ខែមីនា ឆ្នាំ២០១៦សមត្ថកិច្ចនគរបាលព្រហ្មទណ្ឌកម្រិតធ្ងន់ខេត្តកំពង់ឆ្នាំងបាន បញ្ជូនជនសង្ស័យម្នាក់ទៅកាន់តុលាការពីបទប្រទូសកេរ្តិ៍ក្មេងស្រី អាយុ៩ឆ្នាំ។ហេតុការណ៍ដែលជនសង្ស័យប្រព្រឹត្តលើក្មេងស្រីនោះបាន កើតឡើងនៅចំណុចមាត់ទន្លេស្ថិតក្នុងភូមិព្រែករាំងឃុំទឹកហូត ស្រុក រលាប្អៀរកាល ពីរសៀលថ្ងៃទី១៩ ខែមីនាឆ្នាំ២០១៦កន្លងទៅ។
លោក ឌុច ចំរើន នាយការិយាល័យនគរបាលព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្ត បានឲ្យដឹងថាជនសង្ស័យប៉ុនប៉ងចាប់រំលោភក្មេងស្រីជាអនីតិជនរូបនោះ មានឈ្មោះ សៀក សុខាអាយុ២៤ឆ្នាំ មានទីលំនៅ ភូមិព្រែករាំង ឃុំទឹកហូត ស្រុករលាប្អៀរ។ចំណែកក្មេងស្រីរងគ្រោះមាន អាយុ៩ឆ្នាំ មានទីលំនៅភូមិឃុំកើតហេតុខាងលើ ។ ប្រភពដដែលបានបន្តថា កាលពីរសៀលថ្ងៃទី១៩ ខែមីនាឆ្នាំ២០១៦ ក្មេងស្រីរងគ្រោះបានដើរតាមជនសង្ស័យ ទៅមើលឆ្កែឈឺ ដេកនៅមាត់ទន្លេ ។
ប្រភពបានបន្តថាពេលនោះ ឈ្មោះ សៀក សុខា ដែលជាជនសង្ស័យបានឲ្យកុមារីរងគ្រោះ ជួយបីឆ្កែឲ្យ គឺជនសង្ស័យបានឆ្លៀតឱកាស ចាប់សម្រាតសំពត់នាងចុះក្រោមដល់ត្រឹមជង្គង់ ហើយបានយកដៃចាប់លេងប្រដាប់ភេទ កុមារីរងគ្រោះ ។
ភ្លាមនោះកុមារីរងគ្រោះ បានទម្លាក់ឆ្កែចោល រត់ឡើងគោក និងទៅប្រាប់ម្តាយ ។ ក្រោយកើតហេតុ ជនសង្ស័យបានគេចខ្លួនអស់រយ:ពេលពីរថ្ងៃទើបត្រឡប់មកវិញត្រូវ សមត្ថកិច្ចឃាត់ខ្លួនតែម្តង ។បន្ទាប់ពីសមត្ថកិច្ចសាកសួរជនសង្ស័យក៏បានសារភាពថា ខ្លួនពិតជាបានប្រព្រឹត្តដូចការចោទប្រកាន់មែន ហើយត្រូវបានសមត្ថកិច្ចនគរបាលកសាងសំណុំរឿងបញ្ជូនទៅតុលាការ ដោយចោទពីបទប៉ុនប៉ងចាប់រំលោភ និងប្រទូសកេរ្តិ៍ ៕
ចំនួនអ្នកទស្សនា
- ថ្ងៃនេះ10121
- ម្សិលមិញ15681
- សប្តាហ៍នេះ68961
- ខែនេះ90841
- ឆ្នាំនេះ90841
- សរុប20533297