មានប្រពន្ធទៅហើយឆ្លៀតពង្រត់កូនក្រមុំអ្នកស្រុកទៅនែបនិត្យបានពីរយប់ ជាប់អង្គប់របស់សមត្ថកិច្ច
26-March-2016 | ដោយ មែន កំសត់
កំពត៖ បុរសម្នាក់មានប្រពន្ធទៅហើយតែបែរភ្លើតភ្លើនត្រេកត្រអាលក្នុងកាមតណ្ហាលោកីយ៍ ទៅលួចពង្រត់កូនក្រមុំអ្នកដទៃទៅណែបនិត្យបានពីរយប់ ត្រូវបានកម្លាំងនគរបាល តាមស្រាវជ្រាវឃាត់ខ្លួននៅរសៀលថ្ងៃទី២៥ ខែមីនា ឆ្នាំ២០១៦នេះ។
មន្ត្រីនគរបាលស្រុកទឹកឈូបានប្រាប់ថាជនរងគ្រោះដែលត្រូវជនសង្ស័យចាប់ពង្រត់នាំយកទៅបាត់រយៈពេលពីរយប់នោះ មានឈ្មោះ ជ.ស អាយុ ១៧ឆ្នាំ រស់នៅ ស្រុកទឹកឈូ ខេត្តកំពត។ ចំណែកជនសង្ស័យឈ្មោះ ជា សុជាតិ អាយុ២១ឆ្នាំ រស់នៅស្រុកទឹកឈូ ខេត្តកំពត។
មន្ត្រីនគរបាលដដែលបន្តថាជនសង្ស័យបានល្បួងនារីរងគ្រោះយកទៅនែបនិត្យនៅក្រុងតាខ្មៅ ខេត្តកណ្តាល តាំងពីរសៀលថ្ងៃទី២៣ ខែមីនា ឆ្នាំ២០១៦។ លុះដល់រសៀលថ្ងៃទី២៤ ខែមីនា ម្តាយជនរងគ្រោះបានទៅដាក់ពាក្យប្តឹងនៅអធិការដ្ឋាននគរបាលស្រុកទឹកឈូ ក្រោយមកកម្លាំងនគរបាលក៏បើកការស្រាវជ្រាវរកឃើញជនសង្ស័យនាំនារីរងគ្រោះស្នាក់នៅក្រុងតាខ្មៅ ក៏សហការជាមួយកម្លាំងនគរបាលខេត្តកណ្តាល ចាប់ខ្លួនតែម្តង។
បច្ចុប្បន្នកម្លាំងនគរបាលជំនាញស្រុកទឹកឈូាកំពុងកសាងសំណុំរឿងបញ្ជូនបន្តឲ្យស្នងការដ្ឋាននគរបាលខេត្ត ជាអ្នកចាត់ការតាមនី តិវិធីច្បាប់៕
ចំនួនអ្នកទស្សនា
- ថ្ងៃនេះ11031
- ម្សិលមិញ15681
- សប្តាហ៍នេះ69871
- ខែនេះ91751
- ឆ្នាំនេះ91751
- សរុប20534207