ភ្លៀងធ្លាក់លាយឡំ និងខ្យល់កន្ត្រាក់ ដួលរលំ ផ្ទះប្រជាពលរដ្ឋជាង៣០ខ្នង
27-March-2016 | ដោយ មែន កំសត់
ប៉ៃលិន ៖ ផ្ទះប្រជាពលរដ្ឋជាង៣០ខ្នង ត្រូវបាន ដួលរលំ និងរបើកដំបូង ខណៈពេលមានភ្លៀងធ្លាក់លាយឡំ និងខ្យល់កន្ត្រាក់ តែពុំមានអ្នករងរបួសនោះទេ ។ហេតុការណ៍នេះ បានកើតឡើងកាលពីវេលាម៉ោង១៤និង៤០នាទីរសៀល ថ្ងៃទី២៥ ខែមីនា ឆ្នាំ២០១៦ ស្ថិតភូមិចំការការហ្វេ ភូមិអូច្រាលិច ភូមិអូច្រាកើត សង្កាត់ទូលល្វា និងភូមិអូរតាពុកលើ ភូមិអូរតាពុកក្រោម សង្កាត់ប៉ៃលិន ។
ផ្ទះប្រជាពលរដ្ឋដែលទទូលការខូចខាតទាំងស្រុងស្ថិតក្នុងភូមិចំការការហ្វេ សង្កាត់ទូលល្វា ក្រុងប៉ៃលិន ខេត្តប៉ៃលិន ។
ពលរដ្ឋឈ្មោះ ធិន ធា អាយុ៣៦ឆ្នាំ រស់នៅភូមិចំការការហ្វេ បានឲ្យដឹងថា ខេត្តប៉ៃលិនពុំមានភ្លៀងធ្លាក់ជាយូរមកហើយ តែនៅថ្ងៃកើតហេតុ ស្រាប់តែមានភ្លៀងរលឹម លាយឡំ និងខ្យល់កន្ត្រាក់ ផ្ទៃមេឃខ្មៅងងឹត ហើយពេលនោះគាត់ឃើញខ្យល់បាក់បោកយ៉ាងខ្លាំង ចំណែកផ្ទះរបស់គាត់បានប៉ើងដំបូល ពេលនោះគាត់ភ័យក៏រត់ទៅជ្រក់នៅផ្ទះអ្នកជិតខាងដល់ស្ងប់ខ្យល់គាត់ក៏ ត្រលប់មកវិញ ។
អាជ្ញាធរក្រុងប៉ៃលិន បានឲ្យដឹងថា ករណីខ្យល់កន្ត្រាក់ ធ្វើឲ្យខូចខាត ផ្ទះប្រជាពលរដ្ឋ មានចំនួន៣១ខ្នងផ្ទះ ក្នុងនោះធ្ងន់ធ្ងរ ជាងគេស្ថិតក្នុងភូមិចំការការហ្វេ ដែលប្រជាពលរដ្ឋមួយគ្រួសារនេះ មានជីវភាពខ្វះខាតខ្លាំង ព្រមទាំងមានកូនពីរនាក់ក្នុងបន្ទុកទៀតផង ។
ប្រភព បន្តថា ក្រោយពីភ្លៀង និងខ្យល់ បានស្ងប់ អាជ្ញាធរមូលដ្ឋាន ក្រុង បានចុះស្រង់ស្ថិតិជនរងគ្រោះ ដើម្បីធ្វើរបាយការណ៍ទៅថ្នាក់លើ ដើម្បីចែកអំណោយមនុស្សធម៌ជូនពួកគាត់ផងដែរ ៕
ដោយ៖សីហា
ចំនួនអ្នកទស្សនា
- ថ្ងៃនេះ13121
- ម្សិលមិញ15681
- សប្តាហ៍នេះ71961
- ខែនេះ93841
- ឆ្នាំនេះ93841
- សរុប20536297