សមត្ថកិច្ចបញ្ជូនបងប្អូនបង្កើត២នាក់ទៅតុលាការ ប៉ុនប៉ងកាប់ប្រហារផ្តាច់ជីវិត អ្នកដទៃ
30-March-2016 | ដោយ មែន កំសត់
ភ្នំពេញ ៖ បុរស២នាក់បងប្អូនបង្កើតត្រូវបាននគរបាលយុត្តិធម៌បញ្ជូនខ្លួនទៅ តុលាការ ក្រោយពីជនរងគ្រោះ ធ្វើការចោទប្រកាន់ថាប៉ុនប៉ងកាប់ប្រហារផ្តាច់ជីវិត ដោយសារជម្លោះក្នុងរឿងប្តីប្រពន្ធលែងលះ ហើយសុំជាគ្នាវិញតែមិនបានសម្រេច ឈានទៅដល់កើតអំពើហិង្សា។
ជនសង្ស័យទាំងពីរនាក់ត្រូវបានសមត្ថកិច្ចធ្វើការឃាត់ខ្លួន កាលពីវេលាម៉ោង១១ព្រឹកថ្ងៃទី២៦ ខែមីនា ឆ្នាំ២០១៦កន្លងទៅ នៅភូមិបឹងធំ៣ សង្កាត់បឹងធំ ខណ្ឌពោធិ៍សែនជ័យ ជាបណ្តោះអាសន្ន ដើម្បីសាកសួរនិងស្រាវជ្រាវបន្តទៀត។
ក្រោយការសាកសួរ អស់រយៈពេល៤៨ម៉ោង នៅផ្នែកជំនាញព្រហ្មទណ្ឌខណ្ឌពោធិ៍សែនជ័យចុងចោទបាន បដិសេធរាល់ការចោទប្រកាន់របស់ដើមចោទដែលជាជនរងគ្រោះ។ប៉ុន្តែ ក្នុងនាមនគរបាលយុត្តិធម៌ ត្រូវអនុវត្តទៅតាមនីតិវិធី តែមិនទាន់រកឃើញ ភស្តុតាងណាមួយ ត្រូវចោទប្រកាន់ ដាក់បន្ទុកទៅលើជនសង្ស័យទាំងពីរនាក់ឡើយ។ រហូតដល់ព្រឹកថ្ងៃទី២៩ ខែមីនា ឆ្នាំ២០១៦នេះជនសង្ស័យទាំងពីរនាក់ ត្រូវបានបញ្ជូនខ្លួននិងកសាងសំណុំរឿង ទៅតុលាកា ដើម្បីសាកសួរស៊ើបអង្កេតបន្ត ។
បើតាមសម្តីនគរបាលបានឲ្យ ដឹងថាមុនឈានដល់ការចាប់ឃាត់ខ្លួនជនសង្ស័យខាងលើគឺដោយសារការបង្ក ហិង្សាឲ្យមានរបួសស្នាមធ្ងន់ធ្ងរទៅលើបុរសម្នាក់ ឈ្មោះ ប៉ាក អាន ភេទប្រុស អាយុ៣២ឆ្នាំ មុខរបរ សន្តិសុខ ក្រុមហ៊ុនឯក MSN យាមរោងចក្រ មានទីលំនៅ ភូមិបឹងធំ៣ សង្កាត់បឹងធំ ខណ្ឌពោធិ៍សែនជ័យ ។
គួររំលឹកថា កាលពីវេលាម៉ោង៧យប់ ថ្ងៃទី២៤ ខែមីនាឆ្នាំ២០១៦ មានករណីហិង្សាមួយ បណ្ដាលឲ្យបុរសឈ្មោះ ប៉ាក អានរងរបួសរយៈក្បាលធ្ងន់ធ្ងររត់ទៅដេកដួលក្បែរផ្លូវរថភ្លើង ក្នុងភូមិ ប្រទះឡាង សង្កាត់ប្រទះឡាង ខណ្ឌដង្កោ រហូតដល់វេលាម៉ោង១រសៀលថ្ងៃទី២៥ ខែមីនាទើបពលរដ្ឋប្រទះឃើញជនរងគ្រោះហើយក៏រាយការណ៍ជូនសមត្ថកិច្ច ប៉ុស្តិ៍ ប្រចាំគោលដៅក្បែរនោះឲ្យជួយអន្តរាគមន៍និងសង្គ្រោះអាយុជីវិត ហើយសមត្ថកិច្ច នគរបាល ទាំងខណ្ឌដង្កោនិងខណ្ឌពោធិ៍សែនជ័យ រួមសហការស្រាវជ្រាវជុំវិញករណីខាងលើ ។
ក្រោយពីជនរងគ្រោះ ដឹងខ្លួន ទើបនិយាយរៀបរាប់ប្រាប់សមត្ថកិច្ច ជុំវិញរឿងរ៉ាវរបស់ខ្លួន និងចោទប្រកាន់ បងថ្លៃឈ្មោះ យិន សារ៉េត ហៅយិន តូច ភេទប្រុស អាយុ៤០ឆ្នាំ មុខរបរ ជាកម្មករសំណង់ និងប្អូនថ្លៃម្នាក់ទៀតឈ្មោះ យិន រស្មី ភេទប្រុស អាយុ២៤ឆ្នាំ រស់នៅភូមិសង្កាត់កើតហេតុខាងលើ ជាអ្នកកាប់ប្រហារប៉ុនប៉ងផ្តាច់ជីវិត តែមិនបានសម្រេច បន្ទាប់ពីជនរងគ្រោះរត់រួច ( ទាំងនេះជាការចោទប្រកាន់ របស់ជនរងគ្រោះទាំងអស់៕
ចំនួនអ្នកទស្សនា
- ថ្ងៃនេះ10271
- ម្សិលមិញ15681
- សប្តាហ៍នេះ69111
- ខែនេះ90991
- ឆ្នាំនេះ90991
- សរុប20533447