ផ្ទះប្រជាពលរដ្ឋ០១ខ្នង ឆេះរាបដល់ដីពេល កម្លាំងសមត្ថកិច្ចទៅដល់
30-March-2016 | ដោយ មែន កំសត់
កំពង់ចាម៖ នៅថ្ងៃទី២៩ ខែមីនាឆ្នាំ២០១៦ ផ្ទះប្រជាពលរដ្ឋមួយខ្នង ឆេះរាបដល់ដីពេល កម្លាំងសមត្ថកិច្ចទៅដល់ ករណីភ្លើងឆេះផ្ទះមួយកន្លែងបាន កើតឡើងនៅ ចំណុច ភូមិប្រ ស្អំ ឃុំរអាង ស្រុកកំពង់សៀម ខេត្តកំពង់ចាម នៅវេលាម៉ោង ៦ និង១៥នាទី ល្ងាចថ្ងៃទី២៩ ខែមិនាឆ្នាំ២០១៦បាន ធ្វើអោយផ្ទះមួយខ្នង សង់ពី ឈើ ប្រក់ ក្បឿង មាន ទំហំ ១០ ម × ៥ម ឆេះខ្ទេចរាបដល់ដី ដែលមានម្ចាស់ ឈ្មោះ សុខ គឹមស្រី ភេទ ប្រុស អាយុ ២៦ឆ្នាំ ត្រូវជា ប្ដី និង ឈ្មោះ មាន សុម៉ាលី ភេទស្រីអាយុ ២៤ ឆ្នាំ ជាប្រពន្ធ។
តាមប្រភពនៅកន្លែងកើតហេតុបាន អោយដឹង ថា នៅវេលា ម៉ោងប្រហែល ៦ ល្ងាច ពូកគាត់ដែលនៅជិត នឹង ផ្ទះកើត ហេតុ កំពុង រៀប ចំដាក់ ដាំបាយ ញ៉ាំដូច សព្វមួយដង ស្រាប់តែ ក្រឡេកមើលទៅ ផ្ទះដែលកើត ហេតុ នោះបាន ឃើញភ្លើងឆេះដល់ ដំបូលផ្ទះទៅហើយ ។ ហើយ ផ្ទះក៏ជាប់សោទៀត ព្រោះម្ចាស់ត្រូវទៅធ្វើការរោង ចក្រ លុះ ទំរាំម្ចាស់មកដល់ ផ្ទះនោះឆេះខ្លាំងទៅហើយគ្មាន នរណាម្នាក់ ចូលជួយ យក អីវ៉ាន់បានទេ ដោយ ហេតុ តក់ ស្លុតខ្លាំង ពេក ក្នុង ហេតុការណ៍នេះម្ចាស់ផ្ទះ ឈ្មោះមាន សុមាលី បាន ដួល សន្លប់បាត់ ស្មារតី រី ឯ ឈ្មោះ សុខ គឹមស្រី មិនបានដឹង ថា ផ្ទះរបស់ ខ្លួនឆេះទេ ព្រោះ រវល់តែ ធ្វើការនៅឯទីរួមខេត្ត កំពង់ចាម ឯ ណោះ។
រហូតដល់ ម៉ោង ប្រហែល៧ និង 00នាទី ទើប កម្លាំងសមត្ថកិច្ច និង រថយន្តពន្លត់អគ្គីភ័យខេត្តកំពង់ចាម បានទៅដល់ កន្លែងកើតហេតុ តែយ៉ាង ណា ក៏ផ្ទះនោះបាន ឆេះរាបដល់ដីទៅហើយ សមត្ថកិច្ចបាន ត្រឹមតែ បាញទឹក ពន្លត់ រងើកភ្លើងកុំអោយរាលដាលតែប៉ុណ្ណោះ។ គួរ បញ្ជាក់ផងដែរថា ក្នុង ហេតុការណ៍ភ្លើងឆេះគឺមិនបានដឹង អំពីមូលហេតុ ច្បាស់លាស់ នោះទេ តែយ៉ាងណា ករណីនេះក៏ មិន បង្កអោយអ្នកណា ម្នាក់ រងរបួស និង មិនរាលដាល ដល់ផ្ទះ ដែលនៅជិតខាងនោះផងដែរ៕
ដោយ៖អ៊ាម ហ៊ុយ
ចំនួនអ្នកទស្សនា
- ថ្ងៃនេះ11401
- ម្សិលមិញ15681
- សប្តាហ៍នេះ70241
- ខែនេះ92121
- ឆ្នាំនេះ92121
- សរុប20534577