ផឹកតែ វាតាប៉ែ ផ្ទុះហិង្សាស្លាប់តាជី១នាក់
31-March-2016 | ដោយ មែន កំសត់
កំពង់ឆ្នាំង ៖ តាជីក្នុងវត្ត ត្រូវបុរសម្នាក់យកកែវមកវាយក្បាល បណ្តាលឱ្យបែករងរបួសយ៉ាងធ្ងន់ធ្ងរ និងបានស្លាប់ក្រោយពេលដឹកបញ្ជូនទៅសង្គ្រោះនៅមណ្ឌលសុខភាព ស្រុកកំពង់លែង ខណៈអង្គុយផឹកតែជាមួយគ្នា ដែលហេតុការណ៍នេះ កើតឡើងកាលពីវេលាម៉ោង០៤ និង៣០នាទីរសៀលថ្ងៃទី៣០ មីនា ២០១៦ ស្ថិតនៅក្នុងបរិវេណវត្ត «សិរីរតនារាម ហៅវត្តភូមិលិច» ក្នុងភូមិឯលិច ឃុំច្រណុក ស្រុកកំពង់លែង ។
ប្រភពឱ្យដឹងថា លោកតារងគ្រោះឈ្មោះស្រី ឈន អាយុ៦៦ឆ្នាំ មានទីលំនៅភូមិ-ឃុំកើតហេតុខាងលើ មកស្នាក់នៅក្នុងវត្ត ដោយបម្រើទឹកក្តៅ-ត្រជាក់ព្រះសង្ឃក្នុងវត្ត ។ ចំណែកជាជនដៃដល់ឈ្មោះផង់ ស៊ីណេង អាយុ៣៣ឆ្នាំ មានទីលំនៅក្នុងភូមិសំរោង ឃុំពោធិ៍ ស្រុកកំពង់លែង ស្នាក់នៅមិនពិតប្រាកដ ព្រោះជាមនុស្សសរសៃប្រាសាទ និងធ្លាប់បង្ករឿងជាច្រើនលើក ។
ប្រភពដដែលបន្តថា នៅមុនពេលកើតហេតុ ជនរងគ្រោះកំពុងអង្គុយផឹកទឹកតែ នៅក្រោមសំយ៉ាបមុខខ្ទមស្នាក់នៅក្នុងវត្ត ពេលនោះក៏ឃើញជនដៃដល់បានចូលទៅអង្គុយផឹកទឹកតែជាមួយគាត់ជា ធម្មតា ។
ចំណែកតាជី យាយជី និងព្រះសង្ឃ ក៏ឃើញទាំង២នាក់ជជែកគ្នាដូចគ្មានរឿងអ្វីសោះ ។ មួយសន្ទុះ ស្រាប់តែឃើញជនដៃដល់យកកែវផឹកទឹកតែនោះ មកកាន់នៅដៃរួចវាយក្បាលលោកតា៣-៤កែវ ធ្វើឱ្យផ្អើលអ្នកនៅជិតខាងស្ទុះមកជួយឃាត់ ។ ប៉ុន្តែជនរងគ្រោះបានរងរបួសធ្ងន់ទៅហើយ ហើយក៏ត្រូវបានដឹកបញ្ជូនទៅសង្គ្រោះនៅមណ្ឌលសុខភាពស្រុកកំពង់លែង តែលោកតាបានស្លាប់បាត់ទៅហើយ ។ ជាជនដៃដល់បានសារភាពថា ខ្លួនពិតជាបានវាយជនរងគ្រោះពិតប្រាកដមែន ព្រោះតែមានអ្វីមកបិទបាំង គឺវាយជនរងគ្រោះទាំងមិនដឹងខ្លួន ។
ចំនួនអ្នកទស្សនា
- ថ្ងៃនេះ11311
- ម្សិលមិញ15681
- សប្តាហ៍នេះ70151
- ខែនេះ92031
- ឆ្នាំនេះ92031
- សរុប20534487