កម្លាំងរដ្ឋបាលព្រៃឈើ ឃាត់ខ្លួនមនុស្ស៦នាក់រួមទាំងវត្ថុតាងបទល្មើស
01-April-2016 | ដោយ មែន កំសត់
ព្រះវិហារ ៖ កម្លាំងសង្កាត់ព្រៃឈើ កំពង់ស្រឡៅម្លូព្រៃនៃផ្នែករដ្ឋបាលព្រៃឈើឆែបបានសហការជាមួយនិង កម្លាំងមន្ត្រីព្រៃការពារព្រះវិហារបង្ក្រាបបទល្មើសព្រៃឈើនិង សត្វព្រៃរួមមានវត្ថុតាងពាក់ព័ន្ធនឹងបទល្មើសជាច្រើន។ប្រតិបត្តិការ នោះនៅចំណុចត្រពាំងព្រីងនិងចំណុចផ្លូវបំបែកតាមបណ្តោយផ្លូវជាតិលេខ ៩នៅភូមិដងផ្លិតឃុំឆែបពីរស្រុកឆែបខេត្តព្រះវិហារកាលពីថ្ងៃទី៣០ ខែមីនាឆ្នាំ២០១៦។
មន្ត្រីព្រៃឈើសង្កាត់ម្លូព្រៃ បានឲ្យ ដឹងថាប្រតិបត្តិការបង្ក្រាបសមត្ថកិច្ចបានដកហូតរណាយន្តចំនួនពីរ គ្រឿង,ម៉ូតូចំនួបីគ្រឿង,គោយន្តកន្ត្រៃចំនួនមួយគ្រឿង,ស្នាតេះ ចំនួនពីរដើម,សាច់ជ្រូកព្រៃនិងសាច់ឈ្លូសជាង១០០គីឡូក្រាម,និង បានឃាត់ខ្លួនមនុស្សប្រាំមួយនាក់យកមកប្រគល់ឲ្យខណ្ឌរដ្ឋបាលព្រៃឈើ ព្រះវិហារ។
លោក សេង លាង នាយសង្កាត់កំពង់ស្រឡៅម្លូព្រៃនៃផ្នែករដ្ឋបាលព្រៃឈើស្រុកឆែបបាន ឲ្យដឹងនៅព្រលប់ថ្ងៃទី៣០មីនានេះថាមនុស្សដែលកម្លាំងមេព្រៃ ឃាត់ខ្លួនចំនួនប្រាំមួយនាក់រួមទាំងវត្ថុតាងនោះខណ្ឌរដ្ឋបាលព្រៃឈើ ព្រះវិហារកំពង់តែកសាងសំណុំរឿងតាមនីតិវិធីរបស់រដ្ឋបាលព្រៃឈើ។លោក បានបញ្ជាក់ទៀតថាចំណែកឯវត្ថុតាងបានរក្សាទុកនៅខណ្ឌរដ្ឋបាលព្រៃឈើ ព្រះវិហារ។
លោក អ៊ិត ភូម្រា នាយខណ្ឌរដ្ឋបាលព្រៃឈើព្រះវិហារបានធ្វើពីធីដុតសាច់សត្វព្រៃចោល ចំនួន១១៥គីឡូក្រាមនៅមុខខណ្ឌរដ្ឋបាលព្រៃឈើព្រះវិហារនិងមានការ អញ្ជើញចូលរួមពីកម្លាំងមេព្រៃសង្កាត់កំពង់ស្រឡៅម្លូព្រៃនៃផ្នែក រដ្ឋបាលព្រៃឈើឆែបនិងមន្ត្រីការពារជាច្រើននាក់៕
ចំនួនអ្នកទស្សនា
- ថ្ងៃនេះ12991
- ម្សិលមិញ15681
- សប្តាហ៍នេះ71831
- ខែនេះ93711
- ឆ្នាំនេះ93711
- សរុប20536167