នគរបាលសង្ស័យ ហៅម៉ូតូឈប់ពិនិត្យ ប្រទះឃើញថ្នាំញៀនមែន
07-April-2016 | ដោយ មែន កំសត់
ភ្នំពេញ ៖ ជនសង្ស័យប្រើប្រាស់ថ្នាំញៀនចំនួន៨នាក់ ត្រូវកម្លាំងនគរបាលល្បាតខណ្ឌជ្រោយចង្វារ ចាប់ខ្លួនបានជាបន្តបន្ទាប់ កាលពីវេលាម៉ោង០៩យប់ថ្ងៃទី៦ មេសា ២០១៦ ស្ថិតតាមបណ្តោយផ្លូវលេខ៦ ក្នុងភូមិព្រែកលៀប សង្កាត់ជ្រោយចង្វា ខណ្ឌជ្រោយចង្វា ។
ប្រភពឱ្យដឹងថា ជនសង្ស័យទាំង៨នាក់ ១-ឈ្មោះញឹម សុធា អាយុ១៩ឆ្នាំ ២-ឈ្មោះខឿន ស្រេង អាយុ២៣ឆ្នាំ ៣-ឈ្មោះលី មករា អាយុ២០ឆ្នាំ ៤-ឈ្មោះតាំង គឹមហាក់ អាយុ១៧ឆ្នាំ ៥-ឈ្មោះលៀង គឹមហេង អាយុ២២ឆ្នាំ ៦-ឈ្មោះយឺន វណ្ណា អាយុ២០ឆ្នាំ ៧-ឈ្មោះស្រៀង ជន់ អាយុ៣១ឆ្នាំ និង៨-ឈ្មោះវ៉ន វ៉ាន់ អាយុ២១ឆ្នាំ ។
ប្រភពបន្តថា ជនសង្ស័យខាងលើ ជិះម៉ូតូទៅទិញថ្នាំញៀននៅក្នុងរាជធានីភ្នំពេញ រួចជិះម៉ូតូត្រឡប់មកវិញ លុះមកដល់ចំណុចកើតហេតុ ក៏ជួបជាមួយក្រុមនគរបាលល្បាត ក៏ហៅឱ្យឈប់ ដើម្បីត្រួតពិនិត្យ ក៏ប្រទះឃើញគ្រឿងញៀនតែម្តង ត្រូវកម្លាំងដកហូតបានថ្នាំ ញៀនម៉ាទឹកកក៤កញ្ចប់ និងម៉ូតូ៤គ្រឿង ៕
ចំនួនអ្នកទស្សនា
- ថ្ងៃនេះ18431
- ម្សិលមិញ15681
- សប្តាហ៍នេះ77271
- ខែនេះ99151
- ឆ្នាំនេះ99151
- សរុប20541607