ឆេះកាប៊ីនភ្លើងយប់មិញប្រជាពលរដ្ឋ ភ័យស្លន់ស្លោក្នុងខណ្ឌពោធិ៍សែនជ័យ
08-April-2016 | ដោយ មែន កំសត់
ភ្នំពេញ ៖ អណ្តាតភ្លើងឆាបឆេះឡើងយ៉ាងសន្ធោសន្ធៅ និងដាច់ធ្លាក់ខ្សែភ្លើងរាយប៉ាយពេញផ្លូវ បន្ទាប់ពីទុស្សេខ្សែភ្លើងឆាបឆេះកាប៊ីនភ្លើង បង្កឱ្យភ្ញាក់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចហៅរថយន្ត ពន្លត់អគ្គិភ័យមកជួយអន្តរាគមន៍ កាលពីវេលាម៉ោង១០ និង៥០យប់ថ្ងៃទី០៧ មេសា ស្ថិតតាមបណ្តោយផ្លូវជាតិលេខ៤ សង្កាត់ចោមចៅ ខណ្ឌពោធិ៍សែន ។
សាក្សីឱ្យដឹងថា នៅមុនពេលកើតហេតុ គេឃើញមានអណ្តាតភ្លើងផ្ទុះចេញពីកាប៊ីនភ្លើងឆាបឆេះសន្ធោសន្ធៅ ធ្វើឱ្យប្រជាពលរដ្ឋដែលមានលំនៅឋានក្បែរកន្លែងកើតហេតុ ភ័យស្លន់ស្លោរាយការណ៍ទៅកម្លាំងសមត្ថកិច្ច ហៅរថយន្តពន្លត់អគ្គិភ័យមកអន្តរាគមន៍ចំនួន៥គ្រឿងមួយជួយអន្តរាគមន៍ ភ្លាម ។
គេឃើញរថយន្តពន្លត់អគ្គិភ័យចុះមកជួយចំនួន៥គ្រឿង ក្នុងនោះរបស់អង្គភាពកងពលតូចង៧០ ចំនួន៤គ្រឿង និងសាលាខណ្ឌពោធិ៍សែនជ័យចំនួន១គ្រឿង ដែលបាញ់ទឹកអស់ ទម្រាំតែអណ្តាតភ្លើងរលត់ទាំងស្រុង ដោយប្រើរយៈពេល១ម៉ោង ទើបរលត់ ។ អគ្គិភ័យនេះ មិនបណ្តាលឱ្យឆ្លងរាលដាលដល់លំនៅឋានរបស់ប្រជាពលរដ្ឋទេ គ្រាន់តែឆេះធ្វើឱ្យដាច់ធ្លាក់ខ្សែភ្លើងរាយប៉ាយពេញផ្លូវ និងធ្វើឱ្យដាច់ចរន្តអគ្គិសនីនៅចំណុចខាងលើ ៕
ចំនួនអ្នកទស្សនា
- ថ្ងៃនេះ18841
- ម្សិលមិញ15681
- សប្តាហ៍នេះ77681
- ខែនេះ99561
- ឆ្នាំនេះ99561
- សរុប20542017