ឃាត់ខ្លួនមនុស្សពីរនាក់ក្រោយពីបាញ់សត្វប្រើសមួយក្បាលងាប់
09-April-2016 | ដោយ មែន កំសត់
ស្ទឹងត្រែង ៖ បុរសពីរនាក់ត្រូវបានកម្លាំងនគរបាល ប៉ុស្តិ៍ឃាត់ខ្លួនបន្ទាប់ពីយកកាំភ្លើងកែច្នៃបាញ់សម្លាប់សត្វប្រើស ញីមួយក្បាលមានទម្ងន់៣០គីឡូក្រាមនៅក្នុងព្រៃភូមិសាស្ត្រ ឃុំថ្មកែវ ស្រុកសៀមប៉ាង ខេត្តស្ទឹងត្រែង កាលពីថ្ងៃទី៨ខែមេសាឆ្នាំ២០១៦។
លោកសៀន សុខុម អធិការរងនគរបាលស្រុកសៀមប៉ាងបានឱ្យដឹងថាអ្នកភូមិពីរ នាក់ត្រូវបានកម្លាំងនគរបាលប៉ុស្តិ៍ឃុំថ្មកែវ ឃាត់ខ្លួនបញ្ជូនទៅកាន់ជំនាញរដ្ឋបាលព្រៃឈើស្រុកសៀមប៉ាង។ជនសង្ស័យ ដែលត្រូវបានឃាត់ខ្លួននោះឈ្មោះចាន់ពៅអាយុ៣២ឆ្នាំនិងឈ្មោះដាំកង តែងអាយុ២២ឆ្នាំ។អ្នកទាំងពីរមានទីលំនៅភូមិញ៉ាងស៊ុមឃុំថ្មកែង ស្រុកសៀមប៉ាង។ហើយម្នាក់ទៀតគឺជាអ្នកដឹកជញ្ជូនឈ្មោះ ដាំ (ជាសហចារី)បានរត់គេចខ្លួន។
លោកអធិការរងស្រុកសៀម ប៉ាង បានបញ្ជាក់ថាអាវុធកែច្នៃមួយដើមនិងសត្វប្រើសញីមួយក្បាល ត្រូវបានបញ្ជូនទៅកាន់ជំនាញរដ្ឋបាលព្រៃឈើរួចបន្តទៅកាន់តុលាការ ជាមួយនិងវត្ថុតាងកាំភ្លើងកែច្នៃមួយដើម។លោកជាពេជ្រព្រះរាជអាជ្ញា អមតុលាការខេត្តស្ទឹងត្រែងបាននិយាយឱ្យដឹងនៅព្រឹកថ្ងៃទី៩មេសា២០១៦ ថាខាងមន្ត្រីជំនាញបានរាយការណ៍អំពីករណីឃាត់ខ្លួនបានជនសង្ស័យពីរ នាក់បាញ់សម្លាប់សត្វប្រើសមួយក្បាលនោះហើយ។ប៉ុន្តែមិនទាន់បញ្ជូន មនុស្សនិងសំណុំរឿងមកតុលាការនៅឡើយទេ។លោកថាទាក់ទងករណីខាងលើនេះ តំណាងអយ្យការកំពុងពិចារណាទៅលើសំណុំរឿងដើម្បីសួរនាំដាក់បន្ទុក តាមច្បាប់៕
ចំនួនអ្នកទស្សនា
- ថ្ងៃនេះ17191
- ម្សិលមិញ15681
- សប្តាហ៍នេះ76031
- ខែនេះ97911
- ឆ្នាំនេះ97911
- សរុប20540367