មន្ត្រីកាំកុងត្រូល ចុះរឹបអូសទំនិញខូចគុណភាពបានមួយចំនួន នៅផ្សារសេរីសោភ័ណ និងផ្សារចំការគរ
10-April-2016 | ដោយ មែន កំសត់
បន្ទាយមានជ័យ៖ ក្រុមមន្ត្រីកាំកុងត្រូលខេត្តបន្ទាយមាន នៅថ្ងៃទី១០ ខែមេសា ឆ្នាំ២០១៦នេះ បានចុះត្រួតពិនិត្យមុខទំនិញដែលដាក់តាំងលក់នៅតាមផ្សារសេរីសោភ័ណ និងផ្សារចំការគរ ក្នុងក្រុងសេរីសោភ័ណ ដើម្បីរកឲ្យឃើញពីទំនិញដែលខូចគុណភាព ព្រមទាំងចុះណែនាំដល់ក្រុមអាជីវករលក់ដូរផងដែរ។
លោក ហុង លៀង អនុប្រធានទី១ ទទួលបន្ទុកទីផ្សារនិងស្ថិតិខេត្តបន្ទាយមានជ័យ បានថ្លែងថា យុទ្ធនាការចុះត្រួតពិនិត្យនៅតាមផ្សារខាងលើនេះ បានធ្វើឡើងក្រោមកិច្ចសហការជាមួយ នគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ នគរបាកប្រឆាំងបទល្មើសសេដ្ឋកិច្ចខេត្ត និងលោកអភិបាលក្រុងសេរីសោភ័ណផងដែរ។
យ៉ាងណាក៏ដោយបើតាមលោក ហុង លៀង ទំនិញដែលត្រូវរឹបអូសនោះមានតិចតួចបំផុត មានន័យថា ក្រុមអាជីវករមានការយល់ដឹងច្រើនលើការលក់ទំនិញតាមទីផ្សារពោលពួកគេ ក៏បានគិតគូលើការទិញទំនិញយកមកលក់ផងដែរ ។ លោកបានបញ្ជាក់ថា សម្រាប់យុទ្ធនាការនៅពេលនេះក្រុមការងារបានរឹបអូស ទឹកសេរ៉ូ ១០ដប, ទឹកក្រូច ១៨ដប និងប្រេងខ្យង ២៣ដប។លោក ហុង លៀង បានថ្លែងទៀតថា ក្រោមការណែនាំពីលោក ស៊ាន ស៊ុណាត ក្រុមការងាររបស់លោកនឹងបន្តចុះត្រួតពិនិត្យ នៅតាមផ្សារនានាបន្តទៀត គោលបំណងលុប បំបាត់មុខទំនិញដែលខូចគុណភាព លើកកម្ពស់សុខភាពរបស់ប្រជាពលរដ្ឋទូទៅ៕
ចំនួនអ្នកទស្សនា
- ថ្ងៃនេះ15911
- ម្សិលមិញ15681
- សប្តាហ៍នេះ74751
- ខែនេះ96631
- ឆ្នាំនេះ96631
- សរុប20539087