​ព្រៃវែង ៖ នាថ្ងៃទី​១៧​ខែ មេសា ឆ្នាំ​២០១៦ ម៉ោង​១១​ជាង មាន​ករណី​ភ្លើង​ឆេះ​ព្រៃ ដែល​ស្ថិតនៅ​ខាងក្រោយ​ភូមិ កោង​ទន្លេ​លើ ឃុំ ល្វេ ស្រុក​ស៊ីធរ​កណ្ដាល ខេត្តព្រៃវែង​។​

​ក្រោយពី​ទទួលបាន​ព័ត៌មាន​នេះ​ភ្លាម ឯកឧត្ដម ជា សុ​មេធី អភិបាល​នៃ​គណៈ​អភិបាល​ ខេត្តព្រៃវែង បាន​បញ្ជា​អោយ​រថយន្ត​ពន្លត់អគ្គីភ័យ​ចំនួន​២​គ្រឿង ចុះ​អន្តរាគមន៍​ពន្លត់ភ្លើង ដោយមាន​លោក ម៉ន​នី បណ្ឌិត អភិបាល​នៃ​គណៈ​អភិបាលស្រុក​ស៊ីធរ​កណ្ដាល កងកម្លាំង​ស្នងការដ្ឋាន​នគរបាល​ខេត្ត កម្លាំង​អធិការដ្ឋាន​ស្រុក កងរាជអាវុធហត្ថ​ស្រុក និង​រួមសហការ​ជាមួយ​បងប្អូន​ប្រជាជន​នៅ​ទីនោះ​ជួយ​ពន្លត់ភ្លើង  មិន​ត្រឹមតែ​ប៉ុណ្ណោះ ឯកឧត្ដម ជា សុ​មេធី បាន​អញ្ជើញ​មក​ពិនិត្យ និង​ជួយ​ពន្លត់ភ្លើង​ដោយផ្ទាល់​ដៃ នៅ​កន្លែង​មាន​អគ្គីភ័យ​នេះ រហូត​ទាល់តែ​ភ្លើង​ត្រូវបាន​ពន្លត់​ទាំងស្រុង​នៅ​ម៉ោង​ប្រមាណ​ជាង​៥​ល្ងាច​នេះ​.​និង​មិន​ណ្ដា​ល​ឲ្យ​មាន​គ្រោះថ្នាក់​ឬ​ប់ះ​ពាល់​ខូចខាត​អ្វី​ឡើយ​។

ចំពោះករណីអគ្គីភ័យឆេះព្រៃខាងលើនេះ គេមិនទាន់ស្វែងរកមូលហេតុពិតប្រាកដបាននៅឡើយទេ គ្រាន់តែដាក់ការសន្និដ្ឋានថា អាចមកពី ភ្លើងរបស់អ្នករកឃ្មុំបង្កឡើងដោយភ្លើងកន្ទុយបារីដែលគេក្រវាត់ចោលទៅលើព្រៃ។

ហើយដោយអាកាសធាតុមានកំដៅខ្លាំងបង្កាត់ទៅេជាភ្លើងអគ្គីភ័យយ៉ាងសន្ធោរសន្ធៅបែបនេះតែម្តង។ សំរាប់ករណីអគ្គីភ័យខាងលើនេះ  ត្រូវបានប្រជាពលរដ្ឋនាំគ្នាធ្វើការកោតសរសើរយ៉ាងជ្រាលជ្រៅចំពោះ ឯកឧត្តម ជា សុមេធី អភិបាលខេត្តព្រៃវែង និង លោក ម៉ន នី បណ្ឌិត អភិបាលស្រុកស៊ីធរកណ្តាល ដែលបានចូលរួមយ៉ាងសកម្មដោយផ្ទាល់ក្នុងការពន្លត់អគ្គីភ័យ ដោយមិនខ្លាចក្រែងមានបញ្ហាដល់ខ្លួន និងមិនគិតពីឋាន:តួ នាទី ក្នុងការរួមសុខទុក្ខជាមួយប្រជាពលរដ្ឋ៕

​