សម្លាប់ប្រពន្ធរួចដុតផ្ទះ បន្ទាប់មកចងកសម្លាប់ខ្លួនឯងតាមក្រោយ
19-April-2016 | ដោយ មែន កំសត់
កំពង់ធំ៖ ឃាតកម្មយ៉ាងសាហាវព្រៃផ្សៃ បុរសជាប្តីបានសម្លាប់ប្រពន្ធរួចដុតផ្ទះ បន្ទាប់មករត់ទៅចងកសម្លាប់ខ្លួនឯងតាមក្រោយនៅដើមឈើមុខផ្ទះ ។ ករណីនេះបានកើតឡើងកាលពីវេលាម៉ោង៣ទៀបភ្លឺ ថ្ងៃទី១៨ ខែមេសា ឆ្នាំ២០១៦ ស្ថិតនៅក្នុងភូមិបឹង ឃុំមានរិទ្ធ ស្រុកសណ្តាន់ ខេត្តកំពង់ធំ ។
សមត្ថកិច្ចព្រហ្មទណ្ឌ ស្រុក និងខេត្តប្រាប់ថា ករណីឃាតកម្មខាងលើនេះបង្កឡើយដោយជនសង្ស័យជាប្តីឈ្មោះ កេត ថាញ់ អាយុ៤២ មានមុខរបរជាអ្នកស៊ីឈ្នួលអារឈើឲ្យគេទាំង២នាក់ប្តីប្រពន្ធ នៅក្នុងភូមិឃុំកើតហេតុខាងលើ ហើយអ្នកទាំង២នាក់នេះគឺជាមនុស្សញៀនស្រាដូចគ្នា និងតែងតែបង្កជម្លោះទាស់ទែងគ្នាមិនដែលលស់ថ្ងៃណានោះទេ ។
ប្រភពបន្តថា នៅយប់ថ្ងៃកើតហេតុខាងលើ ពួកគេបាននាំគ្នាផឹកស្រាស្រវឹងជោកជាំ ហើយក៏បានឈ្លោះប្រកែកគ្នាយ៉ាងខ្លាំងយកតែឈ្នះរៀងៗខ្លួន ធ្វើឲ្យប្តីទ្រាំពុំបានក៏ស្ទុះទៅទាញបានកាំបិតកាប់ផ្គាក់កាប់ ទៅលើស្ត្រីជាប្រពន្ធឈ្មោះ វ៉ន សាំ អាយុ៣៥ ចំនួន៣កាំបិត ចំគល់ករខាងក្រោយ១កាំបិត ចំគុំត្រចៀកខាងឆ្វេង១កាំបិត និងចំលើចិញ្ចើម១កាំបិត បណ្តាលឲ្យដាច់ខ្យល់ស្លាប់នៅក្នុងថ្លុកឈាម នៅនឹងកន្លែងកើតហេតុយ៉ាងអាណោចអាធ័ម ។
ប្រភពបន្តថា បន្ទាប់មក ជនសង្ស័យក៏បានដុតផ្ទះរបស់ខ្លួនទំហំ៥ម៉ែត្រគុណ៦ម៉ែត្រ ធ្វើអំពីឈើ ប្រក់សង្ក័សី បណ្តាលឲ្យឆេះអស់ទាំងស្រុង ក្រោយមកក៏បានយកខ្សែអង្រឹងទៅចងករសម្លាប់ខ្លួនទៅ ជាមួយនឹងដើមឈើខាងមុខផ្ទះចម្ងាយប្រហែល៥ម៉ែត្រ ស្លាប់ដូចបំណង៕
ចំនួនអ្នកទស្សនា
- ថ្ងៃនេះ17521
- ម្សិលមិញ15681
- សប្តាហ៍នេះ76361
- ខែនេះ98241
- ឆ្នាំនេះ98241
- សរុប20540697