ខឹងប្រពន្ធមិននៅផ្ទះ ផឹកស្រាស្រវឹងដុតផ្ទះចោល
21-April-2016 | ដោយ មែន កំសត់
ត្បូងឃ្មុុំ៖ បុរសម្នាក់ត្រូវកម្លាំងនគរបាលមូលដ្ឋានចាប់ឃាត់ខ្លួនភ្លាមៗ បន្ទាប់ពី ផឹកស្រាស្រវឹងហើយដុតផ្ទះខ្លួនឯងចោល ព្រោះខឹងប្រពន្ធមិននៅផ្ទះ ។ ហេតុការណ៍នេះបានកើតឡើងកាលពីវេលាម៉ោង ៧និង ៣០យប់ ថ្ងៃទី ២០ខែ មេសា ឆ្នាំ២០១៦ ស្ថិតនៅក្នុងភូមិប្រធាតុ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ។
បើយោងតាម មន្ត្រីនគរបាលមូលដ្ឋានបានឲ្យដឹងថា ជនបង្កដែលបានដុតបំផ្លាញផ្ទះខ្លួនឯងមានទំហំ ៧ គុណ៨ ម៉ែត្រ ប្រក់ក្បឿងនេះ មានឈ្មោះ ឈន់ ឈឿន អាយុ ៣៧ឆ្នាំ ប្រពន្ធឈ្មោះ ញ៉ ស៊ីណា អាយុ ៣៥ ឆ្នាំ ដែលមានកូនតូចៗនៅក្នុងបន្ទុកចំនួន៤ នាក់ នៅមុនពេលកើតហេតុគឺជនបង្ករមិនឃើញប្រពន្ធនៅផ្ទះ ហើយបានទៅផឹកស្រារហូតស្រវឹងជោកជាំ រួចត្រឡប់មកផ្ទះវិញម្ដងទៀត ក៏ចាប់ផ្ដើមបង្កអំពើហិង្សាលើប្រពន្ធ និង កូន ព្រមទាំងដុតបំផ្លាញផ្ទះចោលទៀតផង ។
ក្រោយពីកើតហេតុ សមត្ថកិច្ចបានឃាត់ខ្លួនជនបង្កយកទៅសួរនាំនៅអធិការដ្ឋាននគរបាលស្រុកត្បូងឃ្មុំ ដោយបញ្ជាក់ថា៖ជនបង្កនេះ បានផឹកស្រាស្រវឹងហើយមានជំងឺសរសៃប្រសាទទៀតផង ។ បច្ចុប្បន្នសមត្ថកិច្ចកំពុងតែតាមរកស្ត្រីជាប្រពន្ធ និង កូនតូចៗចំនួន ៤នាក់ ដែលមានអាយុចាប់ពី ៣ ឆ្នាំទៅដល់១៣ ឆ្នាំ ដើម្បីរកកន្លែងស្នាក់នៅឲ្យពួកគេ ត្បិតអីគ្រួសារនេះមានជីវភាព ក្រីក្រខ្សត់ណាស់ ៕
ចំនួនអ្នកទស្សនា
- ថ្ងៃនេះ17911
- ម្សិលមិញ15681
- សប្តាហ៍នេះ76751
- ខែនេះ98631
- ឆ្នាំនេះ98631
- សរុប20541087