សមត្ថកិច្ចចាប់ខ្លួន ជាងជួសជុលទូរស័ព្ទពាក់ព័ន្ធគ្រឿងញៀន
24-April-2016 | ដោយ មែន កំសត់
ភ្នំពេញ៖ នគរបាលព្រហ្មទណ្ឌ ខណ្ឌច្បារអំពៅ សហកាជាមួយកម្លាំងនគរបាលប៉ុស្តិ៍ព្រែកប្រា ចាប់ខ្លួនជាងជួសជុលទូរស័ព្ទដៃម្នាក់ពាក់ព័ន្ធ មុខជំនួញជួញដូរថ្នាំញៀននៅចំណុចផ្ទះជួលបើករកស៊ីជួសជុលទូរស័ព្ទ លេខ៣៧៦ ផ្លូវលេខ៣៦៩ ភូមិព្រះពន្លារ សង្កាត់ព្រែក ប្រា ខណ្ឌច្បារអំពៅ កាលពីថ្ងៃទី២៣ ខែមេសា ឆ្នាំ២០១៦។
សមត្ថកិច្ច បានឲ្យដឹងថាជនសង្ស័យមាន ឈ្មោះង៉ែត សីហា ភេទប្រុសអាយុ៣១ឆ្នាំមុខរបរ ជាងជួសជុលទូរស័ព្ទនិងលក់ទូរស័ព្ទស្នាក់នៅផ្ទះជួលខាងលើប្រពន្ធ ឈ្មោះចាន់គីម មួយ មានកូនតូច២នាក់នៅក្នុងបន្ទុក។ក្នុងការចាប់ខ្លួន ជនសង្ស័យរូបនេះសមត្ថកិច្ចដកហូតបានថ្នាំញៀមប្រភេទម៉ាទឹកកកចំនួន ១១កញ្ចប់(ធំ១កញ្ចប់-តូច១០កញ្ចប់ ) ។មន្ត្រីដដែលបានបន្តថាជនសង្ស័យជាមុខសញ្ញា ដែលសមត្ថកិច្ចតាមដានយូរមកហើយ នៅថ្ងៃចាប់ខ្លួនជន សង្ស័យបានយកថ្នាំញៀន១កញ្ចប់លក់ ទៅឲ្យអ្នកទិញតែអ្នកទិញនោះ ជាកម្លាំងបង្កប់របស់សមត្ថកិច្ច។ គ្រានោះកម្លាំងព្រហ្មទណ្ឌដែលស្លៀកពាក់ស៊ីវិលបានចាប់ខ្លួនជនសង្ស័យ ដកហូតបានថ្នាំញៀន១កញ្ចប់។
ផ្តើមចេញពីការដកហូតបាន១កញ្ចប់កម្លាំងនគរបាលក៍បានបន្តការឆែកឆេរ នៅក្នុងបន្ទប់ផ្ទះជួលដោយមានការសម្របសម្រួលពីលោកព្រះរាជអាជ្ញារងទទួល ការងារខណ្ឌច្បារអំពៅរកឃើញថ្នាំញៀនចំនួន១០កញ្ចប់ទៀតដែលជនសង្ស័យ លាក់ទុកនៅក្នុងទូរលក់ទូរស័ព្ឌនិងនៅក្នុងអាវរងាររបស់កូនក្មេង ដែលទុកនៅក្នុងបន្ទប់ ទើបឈានដល់ការឃាត់ខ្លួនតែម្តង ដោយឡែកសម្ភារៈ ផ្សេងទៀតមិនបានដកហូតនោះទេ ។ក្រោយចាប់ខ្លួនជនសង្ស័យរួមនិង វត្ថុតាងថ្នាំញៀនចំនួន១១កញ្ចប់ត្រូវបញ្ជូនមកកាន់អធិការដ្ឋាននគរបាល ខណ្ឌច្បារអំពៅ ដើម្បីកសាងសំណុំរឿងបញ្ជូនទៅតុលាការ៕
-
ចំនួនអ្នកទស្សនា
- ថ្ងៃនេះ20211
- ម្សិលមិញ15681
- សប្តាហ៍នេះ79051
- ខែនេះ100931
- ឆ្នាំនេះ100931
- សរុប20543387