យុវជនដែលគុបកញ្ចក់ធនាគារ ABA ជាអ្នកលេងហ្គេមតាមអ៊ិនធើណេត
24-April-2016 | ដោយ មែន កំសត់
ភ្នំពេញ ៖ ទីបំផុតទៅភាគីខាងធនាគារ ABA មិនបានប្តឹងផ្តល់យុវជនដែលយកដុំថ្មគប់បែកកញ្ចក់ទ្វារធនាគារនោះ ទេ ដោយគ្រាន់តែទារសំណងខូចខាត៨០០ដុល្លារបញ្ចប់រឿង ហើយសមត្ថកិច្ចក៍បានដោះលែងយុវជនឈ្មោះ ចាន់ រតនៈ អាយុ២១ឆ្នាំ ជាមន្ត្រីយោធាឋានន្តរស័ក្តិអនុសេនីយ៍ទោ បម្រើការងារនៅក្រសួងការពារជាតិ ។
បើតាមអ្នកឆ្លើយឆ្លងព័ត៌មានបានឲ្យដឹងទៀតថា មន្ត្រីយោធាខាងលើនេះជាមនុស្សញៀនល្បែងតាមអ៊ិនធ័រណិត ហើយបើតាមការអះអាងរបស់ ចាន់ រតនៈ គឺខ្លួនបានឈ្នះពីការលេងហ្គេមចំនួន៣បុង ដែលបុងទី១មានទឹកប្រាក់៣ម៉ឺនដុល្លាបុងទី២មានទឹកប្រាក់១លានដុល្លា និងបុងទី៣មានទឹកប្រាក់៤៨ម៉ឺនដុល្លារ ហើយថាប្រាក់ទាំងនេះត្រូវបានក្រុមហ៊ុនបរទេសមួយមានមូលដ្ឋាននៅ សហរដ្ឋអាមេរិកផ្ញើចូលកុងរបស់គេតាមរយៈធនាគារ ABA ។
មន្ត្រីយោធារូបនេះបានបញ្ជាក់ទៀតថា កាលពីមុនចូលឆ្នាំថ្មីប្រពៃណីជាតិខ្មែរ ខ្លួន(ចាន់ រតនៈ) បានដកលុយម្តងរួចមកហើយតែមិនបាន ហើយនៅថ្ងៃនេះបើកមិនបានទៀត ក៏ផ្ទុះកំហឹងក៏គុបបែកកញ្ចក់ទ្វារធនាគារតែម្តងទៅ ។គួររំលឹកថា យុវជនម្នាក់បានត្រូវប៉ូលិសមូលដ្ឋានឃាត់ខ្លួនភ្លាមៗ បន្ទាប់ពីយុវជននោះយកដុំថ្មគុបធនាគារ ABA បណ្តាលឲ្យបែកកញ្ចក់មួយផ្ទាំង ។ហេតុការណ៍នេះ បានកើតឡើងនៅវេលាម៉ោង១០និង៣៥នាទីព្រឹកថ្ងៃទី២៤ មេសា ២០១៦ នៅជិតផ្សារឡាក់គីតាមបណ្តោយផ្លូវព្រះសីហនុ ស្ថិតក្នុងសង្កាត់បឹងកេងកង១ ខណ្ឌចំការមន ។យុវជនដែល សមត្ថកិច្ចកំពុងសួរនាំនៅប៉ុស្តិ៍នគរបាលរដ្ឋបាលសង្កាត់បឹងកេងកង១ នោះ ឈ្មោះ ចាន់ រតនៈ អាយុ២១ឆ្នាំ មានទីលំនៅផ្ទះលេខ ៣៤០ ផ្លូវ៦៥៦ សង្កាត់និរោធ ខណ្ឌច្បារអំពៅ ។
សេចក្តីរាយការណ៍បានបន្តថា នៅមុនពេលឃាត់ខ្លួន សាក្សីបានឃើញយុវជនខាងលើបានជិះម៉ូតូស៊េរីទំនើបតម្លៃជាង៦ពាន់ ដុល្លារម៉ាក ឌុក (Duke) ព៌ណខ្មៅ ពាក់ស្លាកលេខភ្នំពេញ 1FL 6757 មកឈប់មុខទូ ATM ABA រួចដើរចូលទៅក្នុងទូទំនងដកលុយ ប៉ុន្តែដកមិនបានក៍ចេញមកវិញ ដើរសំដៅទៅធនាគារដែលនៅទល់មុខគ្នានោះ រួចរើសដុំថ្មគប់បែកកញ្ចក់តែម្តង៕
ចំនួនអ្នកទស្សនា
- ថ្ងៃនេះ451
- ម្សិលមិញ20231
- សប្តាហ៍នេះ79531
- ខែនេះ101411
- ឆ្នាំនេះ101411
- សរុប20543867