សមត្ថកិច្ចតាមចាប់ស្ត្រី២នាក់ ជាជនដៃដល់ កាត់ក្បាលបុរសម្នាក់ នៅខេត្តកំពង់ស្ពឺ
26-April-2016 | ដោយ មែន កំសត់
កំពង់ស្ពឺ៖ កម្លាំងសមត្ថកិច្ចខេត្តកំពង់ស្ពឺនៅថ្ងៃទី២៥ ខែមេសា ឆ្នាំ២០១៦នេះ បានឃាត់ខ្លួនស្ត្រី២នាក់ ជាដៃដល់ក្នុងអំពើឃាតកម្មគិតទុកជាមុន ដែលបានកាត់ក្បាលបុរសម្នាក់ ដោយចោទប្រកាន់ថា ចេះអំពើអាបធ្មប់។ ជនសង្ស័យខាងលើមានឈ្មោះ៖ ទី១ ឈ្មោះ អឹម សុន អាយុ៥៨ឆ្នាំ ជាអ្នកសម្លាប់ និងទី២ ឈ្មោះ ម៉ៅ ចាន់នី ហៅខ្លី អាយុ៣៣ឆ្នាំ ជាអ្នកសមគំនិត។
លោក សម សាក់ នាយការិយាល័យព្រហ្មទណ្ឌខេត្តកំពង់ស្ពឺបានឱ្យដឹងថា សពជនរងគ្រោះត្រូវបានរកឃើញក្នុងចម្ការស្វាយ ស្ថិតនៅភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ កាលពីថ្ងៃទី២២ ខែមេសា ឆ្នាំ២០១៦ ប៉ុន្តែសាកសពជនរងគ្រោះមានតែខ្លួនបាត់ក្បាល ហើយរហូតមកទល់ពេលនេះ សមត្ថកិច្ច និងប្រជាពលរដ្ឋកំពុងរុករកបន្ត។
ស្ត្រីសង្ស័យទាំង២នាក់ បានប្រាប់សមត្ថកិច្ចថា ពួកគេពិតជាបានសម្លាប់ជនរងគ្រោះមែន ដោយសារតែចេះអាបធ្មប់ ហើយធ្លាប់ធ្វើឲ្យប្រជាជននៅក្នុងភូមិ ស្លាប់ជាបន្តបន្ទាប់៕
ចំនួនអ្នកទស្សនា
- ថ្ងៃនេះ641
- ម្សិលមិញ20231
- សប្តាហ៍នេះ79721
- ខែនេះ101601
- ឆ្នាំនេះ101601
- សរុប20544057