ករណីពុលត្រីកំពតរួចបុរសម្នាក់បានស្លាប់ពេលបញ្ជូនទៅដល់មន្ទីរពេទ្យ
26-April-2016 | ដោយ មែន កំសត់
កណ្ដាល៖ បុរសម្នាក់ក្រោយពីហូបត្រីកំពតរួចមាន អាការ:ឈឺចុកចាប់ពេញក្នុងខ្លួនត្រូវក្រុមគ្រួសារនាំយកទៅ មន្ទីរពេទ្យតែអកុសលជននោះបានស្លាប់បាត់ទៅហើយ។ ហេតុការណ៍បានកើតឡើងនៅក្នុងបរិវេណឡឥដ្ឋមួយកន្លែងក្នុងភូមិឈើទាល ឃុំ ព្រែកអញ្ចាញស្រុកមុខកំពូល ខេត្តកណ្ដាល កាលពីថ្ងៃទី២៥ខែមេសាឆ្នាំ២០១៦។
សមត្ថកិច្ចបាន ឲ្យដឹងថាជនរងគ្រោះឈ្មោះ ឈិន នាងអាយុ៣៣ឆ្នាំ នៅភូមិទួលក្រសាំង ឃុំសិត្បូ ស្រុកស្អាង ខេត្តកណ្ដាល និងប្រពន្ធ ឈ្មោះ គិបច្រឹបសព្វថ្ងៃស្នាក់នៅឡឥដ្ឋផាចលាងស្រេងភូមិឈើទាលឃុំព្រែក អញ្ចាញស្រុកមុខកំពូលខេត្តកណ្ដាល។មុនកើតហេតុជនរងគ្រោះនិងប្រពន្ធ បាននាំគ្នាទៅរកត្រីនៅចំណុចបឹងព្រែកអញ្ចាញក៍ទិញត្រីក្រពតបាន ប្រាំមួយក្បាល ។ ពេលមកដល់ផ្ទះ ជនរងគ្រោះបានយកកំពតទៅដុតហូប ។ពេលនោះប្រពន្ធជនរងគ្រោះបានប្រាប់ថា កុំហូបក្រពតអី ព្រោះក្រពតនេះភ្នែកឡើងក្រហមប្រយ័ត្នពុល។តែជនរងគ្រោះមិនស្ដាប់ ក៏យកក្រពតទាំងមួយក្បាលនោះដុតហើយហូប ក្រោយពេល ហូបរួចក៏ទៅដេកនៅលើផ្ទះ។ប្រពន្ធមិនបានចាប់អារម្មណ៍មើលជនរងគ្រោះ ទេ។ រហូតដល់ល្ងាចថ្ងៃដដែលជនរងគ្រោះបានស្រែកហៅប្រពន្ធឲ្យជួយលើកឡើង បត់ជើងហើយបានប្រាប់ប្រពន្ធថាឈឺចុកចាប់អស់ពេញទាំងខ្លួន សង្ស័យពុលក្រពតហើយ ។
សមត្ថកិច្ចបានបន្តថាពេលនោះ ប្រពន្ធជនរងគ្រោះបានហៅអ្នកជិតខាងឲ្យយកជនរងគ្រោះទៅព្យាបាលនៅពេទ្យ ព្រែកអញ្ចាញ ។ លុះដល់ព្រលប់ជនរងគ្រោះបានដាច់ខ្យល់ស្លាប់ នៅក្នុងមន្ទីរពេទ្យតែម្ដង ។ បន្ទាប់មក ទើបក្រុមគ្រួសារនាំសពមកតម្កល់ទុកនៅវត្តព្រែកអញ្ចាញ ដើម្បីធ្វើបុណ្យ។ នៅព្រឹកថ្ងៃទី២៦ ខែមេសា ឆ្នាំ២០១៦ ទើបផ្នែកជំនាញសហការជាមួយប៉ុស្តិ៍ និងអាជ្ញាធរឃុំចុះធ្វើការពិនិត្យសាកសពឃើញថា លើខ្លួនសាកសពពុំមានស្លាកស្នាមអ្វីកត់សំគាល់ និងពាក់ព័ន្ធករណីឃាតកម្មឡើយរួច ក៏បានប្រគល់សពឲ្យក្រុមគ្រួសារធ្វើបុណ្យតាមប្រពៃណី៕
ចំនួនអ្នកទស្សនា
- ថ្ងៃនេះ1041
- ម្សិលមិញ20231
- សប្តាហ៍នេះ80121
- ខែនេះ102001
- ឆ្នាំនេះ102001
- សរុប20544457