ប្រពន្ធគាំងបេះដូងស្លាប់នៅពេលសម្រាលកូនចោទថាពេទ្យខ្វះសមត្ថភាព
27-April-2016 | ដោយ មែន កំសត់
ស្វាយរៀង ៖ បុរស ជាប្តីម្នាក់បានចោទគ្រូពេទ្យខេត្តស្វាយរៀ្ងងថាមានការធ្វេសប្រហែស ក្នុងការបង្កើតកូនបណ្តាលឲ្យប្រពន្ធរបស់គាត់ហូរឈាមជាច្រើនរហូត ខ្សោះពីខ្លួនហើយបានស្លាប់នៅក្នុងបន្ទប់វះកាត់មន្ទីរពេទ្យខេត្ត តែម្តងក្រោយពីសម្រាលរួច។ភាពសោកសៅបានកើតឡើងនៅក្នុងន្ទីរពេទ្យ ខេត្តស្វាយរៀងស្ថិតនៅភូមិស្រះវង្ស សង្កាត់ស្វាយរៀង ក្រុងស្វាយរៀង កាលពីល្ងាចថ្ងៃទី២៥ខែមេសាឆ្នាំ២០១៦។
បើតាមមន្ត្រី កងរាជអាវុធហត្ថខេត្តបានឲ្យដឹងថាស្ត្រីរងគ្រោះស្លាប់បាត់បង់ជីវិត ឈ្មោះសៀងសុភាពអាយុ៣៣ឆ្នាំមានទីលំនៅភូមិវាលយន្តសង្កាត់ស្វាយរៀង ក្រុងស្វាយរៀងមានប្តីឈ្មោះញ៉ឹករ៉ាអាយុ៣៥ឆ្នាំជាមន្ត្រី កងរាជអាវុធហត្ថខេត្តស្វាយរៀង។ប្រភពដដែលបន្តថាស្ត្រីរងគ្រោះ ឆ្លងទន្លេកូនទី២កូនទីមួយឈ្មោះញឹមស្រីសុភាអាយុ៨ឆ្នាំហើយមាន ផ្ទៃពោះកូនទីពីរគ្រប់ខែឆ្លងទន្លេប្តីក៏បានបញ្ជូនទៅមន្ទីរពេទ្យ ខេត្តស្វាយរៀងនៅព្រឹកថ្ងៃទី២៥មេសា២០១៦រហូតដល់ម៉ោង១១ថ្ងៃដដែលទើប សម្រាលបានកូនស្រីម្នាក់គ្រូពេទ្យបានសំអាតរួចរាល់នៅវេលាម៉ោង១១ និង៣០នាទី។
ប្រភពនោះបានបន្តថាលុះនៅក្រោយមកមួយម៉ោង ស្រាប់តែស្ត្រីទើបឆ្លងទន្លេមានអាការ:ចុកក្នុងពោះខ្លាំងហើយ ធ្លាក់ឈាម។ប្អូនស្រីជនរងគ្រោះក៏បានរត់ទៅហៅគ្រូពេទ្យក៏ប៉ុន្តែមានតែ អ្នកគ្រូពេទ្យម្នាក់ប៉ុណ្ណោះដោយប្រាប់ថាលោកវេជ្ជបណ្ឌិតទៅផ្ទះ អស់ហើយ។រហូតដល់ម៉ោង១រសៀលទើបមានលោកគ្រូពេទ្យមកដល់ឲ្យយកចុះពី ជាន់ទី១ទៅសាលវះកាត់នៅខាងក្រោមនិងឲ្យសាច់ញាតិយកឈាមមកដូររួច បញ្ចូលឈាមអស់២ផ្លោកហើយគ្រូពេទ្យបានឲ្យប្តីរកឈាម២ផ្លោកទៀតដោយ ឲ្យសាច់ញាតិបរិច្ចាកឈាមយកមកប្តូរ។រហូតដល់ម៉ោង២និង១០នាទីរសៀល គ្រូពេទ្យបានមកហៅប្តីទៅសាកសួរប្រវត្តិជម្ងឺរបស់ប្រពន្ធគាត់ហើយ គ្រូពេទ្យប្រាប់ថាស្ត្រីរងគ្រោះមានជម្ងឺបេះដូងពេលវះកាត់ហត់ដង្ហក់ ខ្លាំងមិនអាចសង្គ្រោះបានទេអស់លទ្ធភាពហើយ(ឈាម២ផ្លោកក្រោយមិនបាន បញ្ចូលឲ្យជនរងគ្រោះទេ)។
ប្តីជនរងគ្រោះនិយាយថាប្រពន្ធ គាត់មិនដែលមានជម្ងឺបេះដូងទេបើមានជម្ងឺគឺធ្លាប់មានជម្ងឺរលាកមាត់ ស្បូន។បន្ទាប់មកនៅវេលាម៉ោង២និង២០នាទីរសៀលស្ត្រីរងគ្រោះក៏បាន ដាច់ខ្យល់ស្លាប់ក្នុងបន្ទប់វះកាត់តែម្តងទើបបុរសជាប្តីចោទថា គ្រូពេទ្យមានការធ្វេសប្រហែសទុកឲ្យហូឈាមរហូតអស់ពីខ្លួនបណ្តាលឲ្យ គាំងបេះដូងស្លាប់ហើយពេលគាត់សួរថាតើពេលវះកាត់នោះរកឃើញមូលហេតុ អ្វីបានបណ្តាលឲ្យហូឈាមដូច្នេះ?ក៏ប៉ុន្តែលោកគ្រូពេទ្យវះកាត់មិន ប្រាប់ទេ។បុរស់ជាប្តីបានដាក់ពាក្យបណ្តឹងទៅលោកមេបញ្ជាការដ្ឋានកង រាជអាវុធហត្ថខេត្តឲ្យជួយរកយុត្តិធម៌ឲ្យប្រពន្ធកូនរបស់គាត់។ មន្ត្រីកងរាជអាវុធហត្ថខេត្តឲ្យដឹងថានៅថ្ងៃទី២៦មេសានិងចុះទៅ ស្រាវជ្រាវក្នុងករណីនេះហើយលោកប្រធានមន្ទីរពេទ្យខេត្តមិនអាចរកសុំ ការបំភ្លឺបានទេនៅល្ងាចថ្ងៃទី២៥នេះ ៕
ចំនួនអ្នកទស្សនា
- ថ្ងៃនេះ1111
- ម្សិលមិញ20231
- សប្តាហ៍នេះ80191
- ខែនេះ102071
- ឆ្នាំនេះ102071
- សរុប20544527