កម្លាំងអាវុធហត្ថស្រុកអូរជុំចាប់រថយន្តធុនត្រាដឹកឈើប្រណីតទៅវៀតណាម
27-April-2016 | ដោយ មែន កំសត់
រតនគិរី៖ សេចក្តីរាយការណ៍បានឲ្យដឹងថា នៅវេលាថ្ងៃត្រង់ទី២៦ខែមេសាឆ្នាំ២០១៦នេះកម្លាំងអាវុធហត្ថ មូលដ្ឋានស្រុកអូរជុំបានចាប់រថយន្តធុនត្រាមួយគ្រឿងដឹកឈើប្រណិត ពេញខណៈកំពុងធ្វើដំណើរលើផ្លូវជាតិលេខ៧៨Aត្រង់ចំណុចភូមិកាឡៃ១ ឃុំកាឡៃស្រុក អូរជុំ ខេត្តរតនគិរីប្រុងនាំចេញទៅកាន់ប្រទេសវៀតណាម។ប៉ុន្តែមន្ត្រីជំនាញ ហាក់ដូចជាមិនសូវហ៊ានចាត់ការក៏ព្រោះតែម្ចាស់រថយន្តជាកូន អ្នកតំណាងរាស្ត្រម្នាក់នៅក្នុងខេត្តរតនគិរីនេះ។
ប្រភព ព័ត៌មាននោះបានឲ្យដឹងទៀតថារហូតដល់រសៀលថ្ងៃទី២៦ខែមេសាថ្ងៃដដែល រថយន្តធុនត្រាដឹកឈើប្រណីតពេញនោះត្រូវបានកម្លាំងអាវុធហត្ថមូលដ្ឋាន ស្រុកអូរជុំ នាំយកមករក្សាទុក នៅខណ្ឌរដ្ឋបាលព្រៃឈើរតនគិរី។
ក្រោយនាំយកមករក្សាទុកនៅខណ្ឌរដ្ឋបាលព្រៃឈើខេត្តរតនគិរី មន្ត្រីរដ្ឋបាលព្រៃឈើ បានប្រាប់ឲ្យដឹងថារថយន្តដឹកឈើប្រណិតនេះមានឈើចំនួន១៩៥ដុំ ស្មើនឹង១,៨៦៣ម៉ែត្រគូបប្រភេទធ្នង់ក្នុងករណីនេះប្រជាពលរដ្ឋរង់ចាំមើលតើសមត្ថកិច្ចជំនាញហ៊ានអនុវត្តតួនាទីដែរឬទេ?៕
ចំនួនអ្នកទស្សនា
- ថ្ងៃនេះ921
- ម្សិលមិញ20231
- សប្តាហ៍នេះ80001
- ខែនេះ101881
- ឆ្នាំនេះ101881
- សរុប20544337