អវុធហត្ថបង្ក្រាបរថយន្តរត់ពន្ធ សត្វស្វាចំនួន៤៣ក្បាល
27-April-2016 | ដោយ មែន កំសត់
ត្បូងឃ្មុំ៖ កម្លាំងកងរាជអាវុធហត្ថ ស្រុកពញាក្រែក ខេត្តត្បូងឃ្មុំ សហការជាមួយមន្ត្រីរដ្ឋបាលព្រៃឈើ សង្កាតតំបែរ នៅព្រឹកថ្ងៃទី២៧ ខែមេសា ឆ្នាំ២០១៦នេះ បានចុះបង្ក្រាប និងឃាត់រថយន្ត Highlander មួយគ្រឿង កំពុងដឹកសត្វស្វាចំនួន៤៣ក្បាល ប្រុងនាំយកទៅលក់នៅវៀតណាម។
ប្រតិបត្តិការនេះ បានធ្វើឡើងក្រោមការបញ្ជាផ្ទាល់ពីព្រះរាជអាជ្ញាអមសាលាដំបូងខេត្តត្បូងឃ្មុំលោក ហៀង សុភក្ត្រ។ លោកវរសេនីយទោ ជួន ផល្លី ប្រធានមន្ទីរយុត្តិធម៌កងរាជអាវុធហត្ថខេត្តត្បូងឃ្មុំ បានឲ្យដឹងថា ក្រោយទទួលបានព័ត៌មាន នៃការដឹកជញ្ជូនសត្វស្វាទាំងនេះ កម្លាំងរបស់លោក បានសហការជាមួយមន្ត្រីជំនាញរដ្ឋបាលព្រៃឈើ ចុះទៅទប់ស្កាត់រហូតឃាត់រថយន្តជនល្មើស ខណៈអ្នកបើករថយន្ត បានរត់គេចខ្លួនបាត់។ ក្រោយបង្ក្រាប និងរកឃើញសត្វស្វាដែលចងដាក់ស្បោង ទាំង៤៣ក្បាល មើលទៅគួរឲ្យសង្វេគនោះ ខាងក្រុមការងារបានប្រគល់ជូនទៅមន្ត្រីរដ្ឋបាលព្រៃឈើ ដើម្បីយកទៅជូនខាងក្រុមអភិរក្សសត្វ ចាត់ការបន្តទៀត៕
ចំនួនអ្នកទស្សនា
- ថ្ងៃនេះ2921
- ម្សិលមិញ20231
- សប្តាហ៍នេះ82001
- ខែនេះ103881
- ឆ្នាំនេះ103881
- សរុប20546337