ចងកសម្លាប់ខ្លួន សង្ស័យជារឿងឃាតកម្ម
27-April-2016 | ដោយ មែន កំសត់
ភ្នំពេញ៖ នៅវេលាម៉ោង២និង ៤៥នាទីរសៀល ថ្ងៃទី២៧ ខែមេសា ឆ្នាំ២០១៦ មានការភ្ញាក់ផ្អើលមួយបានកើតឡើងនៅក្នុងសង្កាត់ អូរឬស្សីទី២ ខណ្ឌ៧មករា រាជធានីភ្នំពេញ។ បន្ទាប់ពីបុរសម្នាក់ចងកធ្វើអត្តឃាតក្នុងបន្ទប់ដោយបន្សល់ទុកប្រពន្ធនិងកូន៣នាក់ទៀតអោយនៅកំព្រា។
សពមានឈ្មោះ ឈួន ប៊ុន អាយុ៣១ឆ្នាំ មុខរបរជាងកាត់កញ្ចក់ ស្នាក់នៅផ្ទះជួលលេខ២៨៥Ezផ្លូវលេខលំ១៦៤ ក្នុងសង្កាត់ អូរឬស្សីទី២ ខណ្ឌ៧មករា រាជធានីភ្នំពេញ និងប្រពន្ធមានឈ្នោះ ឃឹម សុខាវី ភេទស្រី អាយុ៣៤ មានកូន៣នាក់ទៀត។
តាមការរាយការណ៍ នៅមុនពេលកើតហេតុរូបគាត់កំពុងតែមើលកូនរបស់គាត់នៅខាងក្រៅលុះមកម៉ោងកើតហេតុខាងលើក៏ប្រទះឃើញប្ដីរបស់គាត់ចងកនៅនឹងស្នួលខោអាវនៅក្នុងបន្ទប់ស្លាប់បាត់ទៅហើយទើបមានការភ្ញាក់ផ្អើលដល់នឹងសមត្ថកិច្ចចុះមកមើលកន្លែងកើតហេតុ។
បន្ទាប់មកសមត្ថកិច្ចបានទំនាក់ទំនងទៅអ្នកពិនិត្យសាកសព។ តែបើតាមអ្នកជិតខាងនាំគ្នាខ្សឹបសៀវថាបើចងកទៅស្នួលខោអាវវាមិនអាចទៅរួចទេសង្ស័យថាឃាតកម្ម៕
ចំនួនអ្នកទស្សនា
- ថ្ងៃនេះ3111
- ម្សិលមិញ20231
- សប្តាហ៍នេះ82191
- ខែនេះ104071
- ឆ្នាំនេះ104071
- សរុប20546527