នគរបាលស្រុក មេមត់ បង្ក្រាបកណីជួញដូរគ្រឿងញៀន
28-April-2016 | ដោយ មែន កំសត់
ត្បូងឃ្មុំ៖ ជនសង្ស័យចំនួន៥នាក់ត្រូវបានចាប់ឃាត់ខ្លួនដោយសម្មត្ថកិច្ច នគរបាលស្រុកមេមត់ ក្នុងប្រតិបត្តការបង្ក្រាប ការរក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន។ ប្រតិបត្តការនេះធ្វើរឡើងនៅម៉ោង វេលាម៉ោង ១២ និង៥៨នាទី ថ្ងៃទី២៧ ខែមេសា ឆ្នាំ២០១៦ នៅចំណុចភូមិបុរីតេជោ ឃុំដារ ស្រុកមេមត់ ខេត្តត្បូងឃ្មុំ។
លោក ហុង គឹមហឿន អធិការនគរបាល ស្រុកមេមត់ បានបញ្ជាក់ឲ្យដឹងថា ជនសង្ស័យចំនួនទាំង ០៥នាក់ ទី១ ឈ្មោះ សារ៉ាន ផលគុណ ភេទប្រុស អាយុ២៥ឆ្នាំ នៅភូមិបុរីតេជោ ឃុំដារ ស្រុកមេមត់ ទី២ ឈ្មោះ វង់ ម៉ាឌី ភេទប្រុស អាយុ២៩ឆ្នាំ នៅភូមិខ្នងក្រពើលិច ឃុំត្រមូង ស្រុកមេមត់ ទី៣ ឈ្មោះ សួន សុខនី ភេទប្រុស អាយុ៣០ឆ្នាំ នៅភូមិខ្នងក្រពើលិច ឃុំត្រមូង ស្រុកមេមត់ ទី៤ ឈ្មោះ នូ សុខអូន ភេទប្រុស អាយុ៣៥ឆ្នាំ នៅភូមិណង់ក្រពើ ឃុំត្រមូង ស្រុកមេមត់ទី៥ ឈ្មោះ ទុយ ដែន ភេទប្រុស អាយុ៣១ឆ្នាំ នៅភូមិណង់ក្រពើ ឃុំត្រមូង ស្រុកមេមត់។
លោកបន្តឲ្យដឹងថា ក្នុងនោះសមត្ថកិច្ចធ្វើការដកហូតនូវម្ស៉ៅក្រាមពណ៌សថ្លាសង្ស័យជាថ្នាំញៀន ចំនួន០៧កញ្ចប់(ធំ ០១ កណ្តាល០៥ និងតូច ០១) ម៉ូតូ ០១គ្រឿង ជញ្ជីងថ្លឹង ០១គ្រឿង និងឧបករណ៍សេពគ្រឿងញៀនមួយចំនួន។ បច្ចុប្បន្ន ជនសង្ស័យទាំង៥នាក់រួមនិងវត្ថុតាង កំពុងត្រូវបានសមត្ថកិច្ចចងក្រងសំណុំរឿងដើម្បីបញ្ជូនទៅសាលាដំបូងខេត្តចាត់ការតាមនីតិវិធី៕
ចំនួនអ្នកទស្សនា
- ថ្ងៃនេះ2171
- ម្សិលមិញ20231
- សប្តាហ៍នេះ81251
- ខែនេះ103131
- ឆ្នាំនេះ103131
- សរុប20545587