ស្រវឹងបើករថយន្តបុករបាំងថ្មពុះចែកផ្លូវបាក់បែកអស់៤កង់
29-April-2016 | ដោយ មែន កំសត់
ភ្នំពេញ៖ បុរសម្នាក់ទំនងស្រវឹងស្រាបានបើករថយន្ត កាមរីបាឡែនមួយគ្រឿងក្នុងល្បឿនលឿន ក៏រេចង្កូតជ្រុលទៅបុករបាំងថ្មពុះចែកទ្រូងផ្លូវ បណ្ដាលឲ្យបាក់បែកអស់ចំនួន៤កង់ ហើយរថយន្តបានដាច់កង់ទៅមុខលេងរួច។ ហេតុការណ៍នេះ បានកើតឡើងនៅចំណុចមុខក្រុមហ៊ុនស្មាត តាមបណ្តោយផ្លូវព្រះមុន្នីវង្ស ស្ថិតក្នុងសង្កាត់បឹងត្របែក ខណ្ឌចំការមន កាលពីយប់ថ្ងៃទី២៨ ខែមេសា ឆ្នាំ២០១៦ ។
សាក្សីបានឲ្យដឹងថា នៅមុនពេលកើតហេតុគេបានឃើញរថយន្តបង្កម៉ាកកាមេរីបាឡែនពណ៍ស្ករ ពាកស្លាកលេខភ្នំពេញ 1V 0108 បានបើកបរដោយបុរសម្នាក់ទំនងជាស្រវឹងស្រា បានបើកតាមបណ្តោយផ្លូវព្រះមុន្នីវង្សទិសដៅពីត្បូងទៅជើង។ ពេលមកដល់ចំណុចកើតហេតុបានរេចង្កូតជ្រុលបុករបាំងថ្មពុះចែក ទ្រូងផ្លូវបណ្ដាលឲ្យបាក់បែកអស់ចំនួន៤កង់តែម្ដង។ ចំណែកឯរថយន្តបង្កបានដាច់កាឡេកង់មុខផ្នែកខាងស្ដាំទៅលែងរួច ដោយឡែកអ្នកបើករថយន្តបង្កក្រោយពីបង្កហេតុរួចបានគេចខ្លួនបាត់ស្រមោល។ ក្រោយមកសមត្ថកិច្ចជំនាញបានចុះធ្វើការវាស់វែងនិងយករថយន្តបង្កនោះ ទៅរក្សាទុកនៅការិយាល័យនគរបាលចរាចរណ៍ផ្លូវគោករាជធានីភ្នំពេញ រង់ចាំដោះស្រាយនៅពេលក្រោយ៕
ចំនួនអ្នកទស្សនា
- ថ្ងៃនេះ4411
- ម្សិលមិញ20231
- សប្តាហ៍នេះ83491
- ខែនេះ105371
- ឆ្នាំនេះ105371
- សរុប20547827