ផ្ទុះធុងហ្គាស៍របួស៣នាក់ នៅខេត្តកណ្ដាល
01-May-2016 | ដោយ មែន កំសត់
កណ្ដាល៖ ករណីផ្ទុះធុងហ្គាស៍ធំមួយ នៅស្ថានីយលក់ហ្គាស៍មួយកន្លែង បណ្ដាលឲ្យមនុស្សប្រុសស្រី៣នាក់ រងរបួស កាលពីថ្ងៃទី២៩ ខែមេសា ឆ្នាំ២០១៦ វេលាម៉ោង១៩និង១០នាទី ស្ថិតនៅភូមិស្លែងដីដុះ ឃុំព្រែកតាទែន ស្រុកពញាឮ ខេត្តកណ្ដាល។
ប្រភពពីមន្ត្រីសមត្ថកិច្ចស្នងការខេត្តកណ្ដាល បានឲ្យដឹងថា ជនរងគ្រោះទាំង៣នាក់ ទី១ មានឈ្មោះ អាន ប៊ុនណារិទ្ធ ភេទប្រុស អាយុ៣២ឆ្នាំ មានទីលំនៅភូមិឃុំកើតហេតុ ត្រូវជាម្ចាស់ស្ថានីយ៍ ទី២ ឈ្មោះ អាន លីហាវ ភេទប្រុស អាយុ៤ឆ្នាំ ត្រូវជាកូន និងទី៣ មិនទាន់ស្គាល់អត្តសញ្ញាណ ភេទស្រី ជាអ្នកបម្រើ។
សមត្ថកិច្ចបានឲ្យដឹងទៀតថា នៅថ្ងៃកើតហេតុខាងលើ ម្ចាស់ស្ថានីយលក់ហ្គាស៍បានជួលជាង មកជួសជុល ឲ្យប្រព័ន្ធហ្គាស៍ដើរស្រួល ស្របពេលនោះហ្គាសក៍ផ្ទុះកើតឡើង បណ្ដាលឲ្យរងរបួសម្ចាស់ផ្ទះ និងកូនប្រុសម្នាក់ រួមទាំងអ្នកបម្រើស្រីម្នាក់ទៀតតែម្ដង។
បច្ចុប្បន្ន អ្នករងគ្រោះទាំង៣នាក់ បានបញ្ជូនទៅព្យាបាលទៅមន្ទីរពេទ្យរាជធានីភ្នំពេញ ហើយសមត្ថកិច្ចបញ្ជាក់ថា ករណីនេះមិនបណ្ដាលឲ្យឆាបឆេះនិងរងគ្រោះ ដល់អ្នកជិតខាងនោះទេ៕
ចំនួនអ្នកទស្សនា
- ថ្ងៃនេះ2321
- ម្សិលមិញ20231
- សប្តាហ៍នេះ81401
- ខែនេះ103281
- ឆ្នាំនេះ103281
- សរុប20545737