សមត្ថកិច្ចខេត្តកែបដែលបានដងទឹកយកទៅចាក់ពន្លត់ភ្លើងឆេះព្រៃលើកោះទន្សាយ
02-May-2016 | ដោយ មែន កំសត់
ខេត្តកែប៖ កាលពីរសៀលថ្ងៃ០១ ខែឧសភា ឆ្នាំ២០១៦នេះ មានកើតឡើងឧប្បត្តិហេតុភ្លើងឆេះព្រៃនៅរមណីយដ្ឋានកោះទន្សាយ (ប៉ែកខាងកើតភ្នំ)ដោយភ្លើងឆេះរាលពីជើងភ្នំសំដៅទៅចង្កេះភ្នំ។ក្រោយកើតហេតុ ក្រុមចំរុះនគរបាលខេត្តប្រចាំកោះទន្សាយ ប្រជាជននៅកោះនោះរួមគ្នាពន្លត់ភ្លើង តែមិនរលត់ទេហើយបន្តរាលដាលធំឡើងៗ។ដើម្បីគ្រប់គ្រងនឹងពន្លត់ឲ្យបានសំរេច យើងបានចល័តកំលាំងនគរបាលបន្ថែមមួយក្រុមតាមទូកយន្តនឹងនគរបាលព្រំដែនទឹកក៏បានចាត់កំលាំងមួយចំនួនពីប៉ុស្តិកោះពោធិ(នៅខាងត្បូងកោះទន្សាយប្រមាណ4km) មករួមគ្នាពន្លត់ដោយដងទឹកពីសមុទ្រទៅចាក់ពន្លត់រហូតរលត់ទាំងស្រុង។ សូមបញ្ជាក់ថា កោះទន្សាយជាកោះធម្មជាតិដ៏ស្រស់ស្អាតដែលមានសក្តានុពលទាក់ទាញបានភ្ញៀវទេសចរណ៍បានរាប់ម៉ឺននាក់រៀងរាល់ឆ្នាំហើយមានចំងាយប្រមាណ4kmប៉ុណ្ណុះពីកំពង់ផែក្រុងកែបខេត្តកែប៕
ចំនួនអ្នកទស្សនា
- ថ្ងៃនេះ2311
- ម្សិលមិញ20231
- សប្តាហ៍នេះ81391
- ខែនេះ103271
- ឆ្នាំនេះ103271
- សរុប20545727