សមត្ថកិច្ច រឹបអូសឈើធ្នង់បួនដុំធំ ដែលឈ្មួញមិនស្គាល់មុខ យកលាក់ទុកក្នុងចម្ការស្វាយចន្ទីរ
04-May-2016 | ដោយ មែន កំសត់
រតនគិរី៖ កម្លាំង ផ្នែករដ្ឋបាលព្រៃឈើផ្នែកវ៉ើនសៃ សហការជាមួយកម្លាំងសឹករង ងាវុធហត្ថស្រុក និងនគរបាលស្រុកអូរជុំ បានចុះធ្វើការរឹបអូសឈើធ្នង់៤ដុំធំៗ ដែលឈ្មួញឈើបានដឹកទៅលាក់ទុកក្នុងចម្ការស្វាយចន្ទីរមួយកន្លែង ស្ថិតក្នុងភូមិកាឡៃពីរ ឃុំកាឡៃ ស្រុកអូរជុំ ខេត្តរតនគិរី។ ក្នុងកិច្ចប្រតិបត្តិការចុះរឹបអូសនោះ បានធ្វើឡើងកាលពីថ្ងៃទី៣ ខែឧសភា ឆ្នាំ២០១៦។
មន្ត្រីរដ្ឋបាលព្រៃឈើផ្នែកវ៉ើនសៃ បានឲ្យដឹងថា "ក្រោយពីមានការរាយការណ៍ពីប្រជាពលរដ្ឋដែលមានលំដ្ឋាននៅក្បែរគំនរ ឈើនោះភ្លាមៗ កម្លាំងចម្រុះក៏ចាត់វិធានការ ជាបន្ទាន់ចុះទៅមើលជាក់ស្តែង ក៏ធ្វើការរឹបអូសឈើធ្នង់ទាំង៤ដុំធំៗនោះ យកមករក្សាទុកនៅខណ្ឌ រដ្ឋបាលព្រៃឈើខេត្តតែម្តង"។ បើទោះបីសមត្ថកិច្ចជំនាញ និងស្ថាប័នពាក់ព័ន្ធរឹតបន្តឹង និងធ្វើការបង្ក្រាបជាបន្តបន្ទាប់ ការដឹកជញ្ជូនឈើ ប៉ុន្តែឈ្មួញខិលខូចនៅតែ ឆ្លៀតឱកាសប្រើប្រាស់ គ្រប់រូបភាពក្នុងការចរាចរណ៍ ឈើហាក់បីដូចជាមិនខ្លាច ច្បាប់ទាល់តែសោះ៕
ចំនួនអ្នកទស្សនា
- ថ្ងៃនេះ4311
- ម្សិលមិញ20231
- សប្តាហ៍នេះ83391
- ខែនេះ105271
- ឆ្នាំនេះ105271
- សរុប20547727