ភ្លៀងកក់ខែ១មេ លាយឡំនិងខ្យល់កន្ត្រាក់នៅ ខេត្តត្បូងឃ្មុំ កំពង់ចាម
06-May-2016 | ដោយ មែន កំសត់
ត្បូងឃ្មុំ កំពង់ចាម ៖ ភ្លៀងកក់ខែ១មេ លាយឡំនិងខ្យល់កន្ត្រាក់ បណ្ដាលឲ្យលំនៅឋានប្រជាពលរដ្ឋ រាប់សិបខ្នងដួលរលំ និងចំការកៅស៊ូរាប់រយហិចតា ត្រូវរងការខូចខាត ត្បូងឃ្មុំកំពង់ចាម៖ នៅល្ងាចថ្ងៃទី ០៥ ខែ ឧសភា ឆ្នាំ ២០១៦ វេលាម៉ោង ១៧ និង ៣០នាទី មានករណីភ្លៀង និងខ្យល់កន្ត្រាក់ បណ្តាលឲ្យប៉ះពាល់ដល់ផ្ទះប្រជាពលរដ្ឋចំនួន ០៤ឃុំ ស្រុកមេមត់ ខេត្តត្បូងឃ្មុំ ក្នុងនោះមាន៖ ឃុំចាន់មូល: បណ្តាលឲ្យរលំផ្ទះចំនួន ០២ខ្នង , របើកដំបូលផ្ទះចំនួន ១៥ខ្នង និងបណ្តាលឲ្យប៉ះពាល់ដល់ដំណាំកៅស៊ូរបស់ប្រជាពលរដ្ឋចំនួន ១១០ហិតា។ ឃុំត្រមូង: បណ្តាលឲ្យរលំផ្ទះចំនួន ០១ខ្នង , របើកដំបូលផ្ទះចំនួន ៣៨ខ្នង សាលារៀន ០១ខ្នង និងបណ្តាលឲ្យប៉ះពាល់ដល់ដំណាំកៅស៊ូរបស់ប្រជាពលរដ្ឋចំនួន ៣០០ហិចតា។ ឃុំជាំ បណ្តាលឲ្យរលំផ្ទះចំនួន ០៥ខ្នង , របើកដំបូលផ្ទះចំនួន ១០ខ្នង។
ឃុំជាំក្រវៀន បណ្តាលឲ្យរលំផ្ទះចំនួន ០៤ខ្នង របើកដំបូលផ្ទះចំនួន ០៥ខ្នង សាលាបុណ្យចំនួន ០១ខ្នង។ សរុបការខូចខាត ៖ រលំផ្ទះ ១២ខ្នង របើកដំបូលផ្ទះ ៦៨ខ្នង របើកដំបូលសាលារៀន ០១ខ្នង សាលាបុណ្យ ០១ខ្នង និងប៉ះពាល់ចំការកៅស៊ូប្រជាពលរដ្ឋ ៤១០ហិចតា។
ដោយឡែកនៅស្រុកពៃឈរ និងស្រុកកងមាស ខេត្តកំពង់ចាម ផ្ទះប្រជាពលរដ្ឋ ត្រូវរងការវាយប្រហារ ដោយខ្យល់កន្ត្រាក់ បណ្ដាលឲ្យខូចខាតជាច្រើនខ្នងផងដែរ កាលពីល្ងាចថ្ងៃទី៥ ឧសភានេះ គឺនៅឃុំរាយប៉ាយ ស្រុកកងមាស ផ្ទះប្រជាពលរដ្ឋចំនួន៣ខ្នង ត្រូវដួលរលំ ក្នុងនោះនៅស្រុកពៃឈរ ផ្ទះប្រជាពលរដ្ឋចំនួន២ឃុំ គឺនៅឃុំត្រពាំងព្រះ និងឃុំមៀន ត្រូវដួលរលំ៧ខ្នង របើកដំបូលនិងជញ្ជាំង ៤៣ខ្នង និងក្មេងប្រុសម្នាក់ ត្រូវរងរបួសផងដែរ ៕
ចំនួនអ្នកទស្សនា
- ថ្ងៃនេះ4551
- ម្សិលមិញ20231
- សប្តាហ៍នេះ83631
- ខែនេះ105511
- ឆ្នាំនេះ105511
- សរុប20547967