ជនសង្ស័យ៤នាក់ ត្រូវសមត្ថកិច្ចស្រុកកោះសូទិន ធ្វើការឃាត់ខ្លួនពីបទចែកចាយគ្រឿងញៀន
06-May-2016 | ដោយ មែន កំសត់
កំពង់ចាម៖ សមត្ថកិច្ចស្រុកកោះសូទិនក្រោមការបញ្ជាផ្ទាល់របស់លោក ប្រេន ហ៊ីម អធិការនគរបាលស្រុក បានធ្វើការឃាត់ខ្លួនជនសង្ស័យពីរនាក់ដែលពាក់ព័ន្ធនឹងការជួញដូរគ្រឿងញៀន ហេតុការណ៍ក្នុងការបង្ក្រាបនេះដែលធ្វើឡើងនៅវេលាម៉ោង ២០និង១០នាទីថ្ងៃទី៣ ខែឧសភា ឆ្នាំ២០១៦ នៅចំនុចភូមិព្រែងរំដេងកើត ឃុំពង្រ ស្រុកោះសូទិន ខេត្តកំពង់ចាម។
បើតាមការអះអាងរបស់សមត្ថកិច្ចបានអោយដឹងថា ជនសង្ស័យទាំងពីរនាក់មានទី១ឈ្មោះ ផុស ចាន់សំណាង អាយុ៣១ឆ្នាំ ជនជាតិខ្មែរ មុខរបរគ្រូពេទ្យ មានស្រុកកំណើតនៅភូមិទី៤ សង្កាត់ទួលទំពូង២ ខណ្ឌចំការមន រាជធានីភ្នំពេញ និងទី២ឈ្មោះ ចាន់ សម្បតិ្ត អាយុ៣០ឆ្នាំ ជនជាតិខ្មែរ មុខរបរ ជាងដេរពូកឡាន មានស្រុកកំណើតស្នាក់នៅ ភូមិក្បាលថ្នល់ សង្កាត់ផ្សារដើមស្កូវ ខណ្ឌចំការមន រាជធានីភ្នំពេញ ។ បន្ទាប់ពីកម្លាំងល្បាតចុះត្រួតពិនិត្យអាវុធជាតិផ្ទុះនៅពេលយប់នៅចំនុចភូមិព្រែងរំដេនកើត ឃុំពង្រ ហើយបានឃាត់រថយន្តម៉ាក់ កូរូឡា សេរី១៩៩៨ ពណ៍ត្រាវ មួយគ្រឿង ពាក់ស្លាក់លេខ ភ្នំពេញ 2N-3729 បើកបរដោយបុរសពីរនាក់ ហើយសមត្ថកិច្ចបានឃាត់ដើម្បីចុះឆែកឆេរ រកឃើញម្សៅក្រាមពណ៍ស មួយកញ្ចប់ ដាក់ក្នុងកញ្ចាប់បារីស្វីន, ជញ្ចីងអេឡិចត្រូនិចមួយគ្រឿង ,ប្រាក់ខ្មែរ៣៣៨០០០រៀល, ទូរស័ព្ទ ដៃ ០២គ្រឿងនិងកាបូបថ្នាំពេទ្យមួយចំនួន និងវត្ថុតាងមួយចំនួនទៀត ដើម្បីចែកចាយគ្រឿងញៀនបន្ត ។
នៅថ្ងៃទី០៤ ខែឧសភា ឆ្នាំ២០១៦ ក្រោយពីសមត្ថកិច្ចធ្វើឃាត់ខ្លួនជនសង្ស័យទាំងពីរនាក់បានភ្លាម សាកសួរយកទៅអធិការដ្នានស្រុកកោះសូទិន ដោយឈ្មោះ ចាន់ សម្បត្តិ បានចង្អុលបង្ហាញជនសង្ស័យពីរនាក់បន្ថែមទៀត ហើយកម្លាំងសមត្ថកិច្ចបានបន្តឃាត់ខ្លួនជនស្ស័យមានឈ្មោះ ៖ទី១-ឈ្មោះ ភន់ ហុកម៉េង អាយុ២៩ឆ្នាំ មានទីលំនៅភូមិមហាលាភជើង ឃុំមហាលាភ ស្រុកកោះសូទិន ។ទី២-ឈ្មោះ ឆាន បូ អាយុ៤០ឆ្នាំ មានទីលំនៅ ភូមិផ្សារថ្មី ឃុំពាមប្រធ្នោះ ស្រុក កោះសូទិន ហើយបាន រឹបអូសបានវត្ថុតាងរួមមាន៖ ថ្នាំញៀនប្រភេទម្សៅក្រាមពណ៌ស ០១កញ្ចប់តូច , ឧបករណ៍សេព ០៥ សំរាប់ , ដែកកេះ០៧ និងវត្ថុតាងមួយចំនួនទៀត ។
បច្ចុប្បន្នជនសង្ស័យទាំងបួននាក់ និងវត្ថុតាង បានបញ្ជូនមកដល់ការិយាលយ័កណ្តាលប្រឆាំងបទល្មើសដើម្បីកសាងសុំណុំរឿងបញ្ចូនទៅតុលាការចាត់ការតាមនីតិវិធីច្បាប់។
ចំនួនអ្នកទស្សនា
- ថ្ងៃនេះ4571
- ម្សិលមិញ20231
- សប្តាហ៍នេះ83651
- ខែនេះ105531
- ឆ្នាំនេះ105531
- សរុប20547987