ប្រជាពលរដ្ឋប្រទះឃើញសពស្អុយរលួយសល់តែគ្រោងឆ្អឹង នៅក្នុងខណ្ឌច្បារអំពៅ
07-May-2016 | ដោយ មែន កំសត់
ភ្នំពេញ៖ ប្រជាពលរដ្ឋប្រទះឃើញសពស្អុយរលួយនៅសល់តែគ្រោងឆ្អឹង បង្កឱ្យមានការភ្ញាក់ផ្អើលដល់សមត្ថកិច្ច នៅរសៀលថ្ងៃទី៥ ខែឧសភា ឆ្នាំ២០១៦កន្លងទៅនេះ នៅចំណុចព្រែកអ្នកតាវាំង ក្នុងភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
សមត្ថកិច្ចមូលដ្ឋានបានឱ្យដឹងថា ក្រោយពីកម្លាំងទទួលបានព័ត៌មានថាប្រជាពលរដ្ឋបានប្រទះឃើញសាកសពដែលស្អុយរលួយ កម្លាំងក៏បានប្រញាប់ចុះទៅកន្លែងកើតហេតុភ្លាមៗ។ សមត្ថកិច្ចបាន បន្ដថា សាកសពដែលនៅសល់តែគ្រោងឆ្អឹងនេះ មិនដឹងថា ស្រីឬប្រុសនោះទេ ហើយក៏មិនស្គាល់អត្តសញ្ញាណដែរ បន្ទាប់មកកម្លាំងនគរបាលបានយកសពមកដាក់នៅវត្តអម្ពរវ័ន ហៅវត្តព្រែកថ្មី ដើម្បីទាក់ទងជំនាញកោសល្យវិច្ឆ័យ មកចុះមកពីពិនិត្យដើម្បីសន្និដ្ឋានអោយកាន់តែច្បាស់លាស់៕
ចំនួនអ្នកទស្សនា
- ថ្ងៃនេះ4331
- ម្សិលមិញ20231
- សប្តាហ៍នេះ83411
- ខែនេះ105291
- ឆ្នាំនេះ105291
- សរុប20547747