អាកាសធាតុក្តៅខ្លាំងសត្វពស់រត់ចេញរកទឹកពលរដ្ឋចាប់ធ្វើគ្រឿងក្លែមរាប់សិបក្បាល
08-May-2016 | ដោយ មែន កំសត់
កំពង់ស្ពឺ៖ អាកាសធាតុក្តៅរយៈពេលជាច្រើន ថ្ងៃកន្លងមកនិងលាយឡំជាមួយមានភ្លៀងធ្លាក់មួយមេបានធ្វើឱ្យសត្វ ពស់ព្រៃរាប់សិបក្បាលបាន លូនចេញមករកទឹកដែលជាហេតុធ្វើឱ្យអ្នកស្រុករស់នៅភូមិទំនាប ឃុំអម លាំង ខេត្តកំពង់ស្ពឺបាននាំគ្នាចាប់យកមកធ្វើជាគ្រឿងក្លែមជាច្រើន ក្បាល។
ក្រុមអ្នកភូមិបាននិយាយថាដោយសារអាកាសធាតុកក្តៅព្រម ជាមួយនឹងភ្លៀងធ្លាក់មួយមេកន្លងមកសត្វពស់ជាច្រើនក្បាលបានចេញមក ពីព្រៃហេតុនេះជាហេតុធ្វើឱ្យពួកគេអាចចាប់សត្វពស់ទាំងនោះបាន យ៉ាងច្រើនហើយកន្លងមកពួកគេមិនអាចចាប់សត្វពស់បានច្រើនបែបនេះឡើយ ។
លោកចាន់រ៉េមបានប្រាប់ឱ្យដឹងក្នុងខណៈពេលប្រមូលយក សត្វពស់ដែលទើបតែវាយបានក្នុងព្រៃថាឆ្នាំនេះអាកាសធាតុក្តៅខ្លាំង មិនត្រឹមតែធ្វើឱ្យសត្វស្រុកទេដែលពិបាករស់នៅ សូម្បីតែសត្វព្រៃក៏ទទួលរងការប៉ះទង្គិចយ៉ាងច្រើនដូចគ្នា។ជាក់ស្តែង ដូចជាសត្វពស់ព្រៃទាំងនេះដែលលោកមិនធ្លាប់ចាប់បានច្រើនដូចនេះទេ ប៉ុន្តែដោយសារអាកាសធាតុក្តៅធ្វើឱ្យពួកវាមិនអាចសម្ងំរស់នៅក្នុង ព្រៃបានបន្តទៅទៀតទើបនាំគ្នាចេញមកក្រៅហើយការចាប់ពួកវាបាន ក្លាយជារឿងងាយស្រួល។សម្រាប់នៅលើកនេះលោកបានចាប់សត្វពស់ព្រៃមក ធ្វើគ្រឿងក្លែមមិនតិចជាង២០ក្បាលឡើយ។
យុវជនចាន់រ៉េមបាន ប្រាប់បន្តថាពស់ព្រៃនៅពេលយកមកធ្វើគ្រឿងក្លែមមានរស់ជាតិឆ្ងាញ់ ហើយបណ្តាយុវជនក្នុងភូមិចូលចិត្តភ្លក្សរស់ជាតិវាណាស់។សម្រាប់នៅ តំបន់ភូមិដែលលោករស់នៅនេះគឺសំបូរព្រៃណាស់ដែរហេតុនេះសត្វពស់មិន ខ្វះទេ។
ចំណែកលោកឡែអ៊ីនប្រជាពលរដ្ឋមួយរូបដែលរស់នៅភូមិ ទំនាបឃុំអមលាំងនេះដែរបានឱ្យដឹងដូចគ្នាថាសត្វពស់ព្រៃជាសត្វមិន កាចដូចសត្វពស់ដទៃទៀត ហេតុនេះធ្វើឱ្យគេងាយចាប់វាមកធ្វើម្ហូបណាស់ ហើយសាច់វាក៏មានរស់ជាតិឆ្ងាញ់ដែរ។
ទោះបីយ៉ាងណាបើលោក ប្រៀបធៀបសម័យមុននឹងពេលនេះឃើញថាចំនួនសត្វពស់បានថយចុះច្រើន។ ចំណែកសត្វព្រៃដទៃទៀតក៏ដូចគ្នាដែរគឺលោកសង្កេតឃើញថាបានក៍បានថយចុះ ខ្លាំងដូចគ្នា។ បុរសអ្នករស់នៅក្នុងភូមិទំនាបរូបនេះបានឱ្យដឹងបន្តថា “សត្វពស់ព្រៃសព្វថ្ងៃនេះមិនសំបូរទេកាលពីមុនពួកខ្ញុំអាចដើររក គ្រាន់យកមកធ្វើម្ហូបបានច្រើនតែពេលនេះរកមិនបានទេ មានតែទិញសាច់ជ្រូកសាច់មាន់មកបរិភោគវិញហើយ”។
បុរស រូបនេះបានបន្ថែមឱ្យដឹងដែរថាសត្វពស់ជាសត្វកាចសាហាវប៉ុន្តែនាពេល បច្ចុប្បន្នគេបានចាប់ស្ទើររៀងរាល់ថ្ងៃ ហេតុនេះបើគ្មានការអភិរក្សណាមួយត្រឹមត្រូវទេសត្វទាំងនេះនឹង បាត់បង់ បន្តបន្ទាប់ហើយអាចនឹងឈានទៅបាត់បង់ពូជទាំងស្រុងដូចគ្នានឹងសត្វ ដទៃទៀតពុំខាន៕
ចំនួនអ្នកទស្សនា
- ថ្ងៃនេះ5881
- ម្សិលមិញ20231
- សប្តាហ៍នេះ84961
- ខែនេះ106841
- ឆ្នាំនេះ106841
- សរុប20549297