នារីម្នាក់ចង់ទៅធ្វើការ តែម៉ែឪមិនឱ្យទៅព្រោះនៅរៀន មិនស្ដាប់លេបថ្នាំបំពុលកណ្តុរស្លាប់
09-May-2016 | ដោយ មែន កំសត់
ខេត្តកណ្តាល ៖ ក្មេងស្រីអាយុជាង១០ឆ្នាំម្នាក់ ដោយសារតែខឹងឪពុកម្តាយស្តីបន្ទោស បានសម្រេចចិត្តលេបថ្នាំបំពុលកណ្តុរស្លាប់ ទោះក្រុមគ្រួសារដឹកយកទៅសង្គ្រោះដល់មន្ទីរពេទ្យក៏ដោយ ដែលហេតុការណ៍នេះ ភ្ញាក់ផ្អើលកាលពីវេលាម៉ោង១២ និង៥២នាទី ឈានចូលយប់ថ្ងៃទី០៧ ឧសភា ២០១៦ ស្ថិតលើផ្ទះជនរងគ្រោះ ក្នុងភូមិបឹងគ្រំ ឃុំបឹងគ្រំ ស្រុកល្វាឯម ខេត្តកណ្តាល ។
ក្មេងស្រីរងគ្រោះខាងលើឈ្មោះមាន សុធាន អាយុ១៦ឆ្នាំ រស់នៅក្នុងបន្ទុកជាមួយឪពុកម្តាយ ក្នុងភូមិ-ឃុំខាងលើ ។ មានឪពុកឈ្មោះអ៊ុំ ចក់ បានរៀបរាប់ទាំងក្តីសោកសៅថា កូនគាត់ទៅដើរធ្វើសម្ភាសន៍ចូលបម្រើការងាររោងចក្រនៅរាជធានី ភ្នំពេញ មួយរយៈមកហើយ ។
ប៉ុន្តែដោយខាងរោងចក្រប្រាប់ថា នាងមិនទាន់គ្រប់អាយុក្មេងស្រី ក៏សម្រេចចិត្តត្រឡប់មកផ្ទះវិញ ដើររកខ្ចីអត្តសញ្ញាណបណ្ណ និងសៀវភៅរបស់អ្នកជិតខាង ដែលគ្រប់អាយុ ដើម្បីកែ ព្រោះបំណងឱ្យបានចូលធ្វើការរោងចក្រវិញ ។ ពេលនោះ ត្រូវឪពុកម្តាយបានប្រាប់ទៅកូនស្រី (ក្មេងរងគ្រោះ) មិនឱ្យខ្ចីរបស់គេទេ ដោយកូននៅក្មេង ហើយឱ្យកូនបន្តរៀនទៀត មិនចង់ឱ្យកូនទៅឆ្ងាយ ពីឪពុកម្តាយទេ ។
ខណៈឪពុកម្តាយនិយាយណែនាំរួច ក្មេងស្រីរងគ្រោះបានខឹងឪពុកម្តាយ ដែលនិយាយប្រដៅ ក៏បានដើរចេញទៅបាត់មួយសន្ទុះ ពេលត្រឡប់មកវិញ បានឡើងសំងំនៅលើផ្ទះ ។ ស្រាប់តែមួយសន្ទុះធំ ឮម្តាយមីងរត់មកប្រាប់ថា កូនលេបថ្នាំពុលសម្លាប់នៅលើផ្ទះ ក៏មានការភ្ញាក់ផ្អើល នាំគ្នាឡើងទៅមើល ឃើញកូនកំពុងប្រកាច់បែកពពុះមាត់ ក៏បានដឹកយកមកសង្គ្រោះនៅមន្ទីរពេទ្យគគីរ ស្រុកកៀនស្វាយ ប៉ុន្តែជាអកុសល ពេលទៅដល់មន្ទីរពេទ្យ ត្រូវគ្រូពេទ្យប្រាប់ថា យឺតពេលទៅហើយ ថ្នាំបានជ្រាបចូលបេះដូងស្លាប់បាត់ទៅហើយ ។
ចំនួនអ្នកទស្សនា
- ថ្ងៃនេះ6241
- ម្សិលមិញ20231
- សប្តាហ៍នេះ85321
- ខែនេះ107201
- ឆ្នាំនេះ107201
- សរុប20549657