កម្លាំងសមត្ថកិច្ចបង្ក្រាបករណីគ្រឿងញៀន២ ករណីផ្សេងគ្នាក្នុង ថ្ងៃតែមួយ នៅ ខេត្តត្បូងឃ្មុំ
11-May-2016 | ដោយ មែន កំសត់
ត្បូងឃ្មុំ៖ កម្លាំងជំនាញនៃអធិការដ្ឋាន នគរបាលក្រុងសួង បានបើកប្រតិបត្តិការបង្ក្រាប ករណីរក្សាទុកប្រើប្រាស់ ដោយខុសច្បាប់នូវសារធាតុញៀន នៅក្នុងមូលដ្ឋានរបស់ខ្លួន កាលពី ថ្ងៃទី១០ ឧសភា ២០១៦ពី ករណីផ្សេងគ្នានៅក្នុង ខេត្តត្បូងឃ្មុំ។
ដោយករណីទីមួយគឺ នៅថ្ងៃទី១៩ខែ ឧសភាឆ្នាំ២០១៦ វេលាម៉ោង1និង 30នាទី ក្នុងចំណុច បារុងយាមកៅស៊ូ ឡូលេខ ០១១B ស្ថិតនៅក្នុងភូមិទី១៨ សង្កាត់សួង ក្រុងសួង ខេត្តត្បូងឃ្មុំ ។ ដោយឃាត់ខ្លួនជនសង្ស័យបានចំនួន៣នាក់៖ ១- ឈ្មោះ យ៉ុន ឃុនទ្រី ភេទប្រុស អាយុ ២៧ឆ្នាំ នៅភូមិជ្រៃបិទមាស សង្កាត់សួង ២- ឈ្មោះ ហោ វ៉ាង ភេទប្រុស អាយុ ១៩ឆ្នាំ នៅភូមិធ្លក សង្កាត់សួង ៣- ឈ្មោះ ភាព វល័ក្ខ ភេទប្រុស អាយុ ២៨ឆ្នាំ នៅភូមិ៣១០ សង្កាត់សួង ក្រុងសួង ក្នុងការឃាត់ខ្លួនជនសង្ស័យខាងលើ សមត្ថកិច្ចបានធ្វើការដកហូត នូវវត្ថុតាងថ្នាំញៀន ប្រភេទម្សៅក្រាមពណ៌សចំនួន២កញ្ចប់តូច និងឧបករណ៍ប្រើប្រាស់គ្រឿងញៀនមួយចំនួនទៀត ។
ករណីទី២ គឺ នៅថ្ងៃទី ១០ខែឧសភាដដែល វេលាម៉ោង ១៨និង៤៤ នាទី នៅលើផ្លូវលេខ73 ចំណុចភូមិទួលកណ្តោលត្បូង ឃុំជីគរ ស្រុកខេត្តត្បូងឃ្មុំ កំលាំងសមត្ថកិច្ចនគរបាលស្រុកត្បូងឃ្មុំ បានស្ទាក់ចាប់ខ្លួនមេក្លោងជួញដូរថ្នាំញៀន 1. ឈ្មោះ ជឹម ឡន ភេទប្រុស អាយុ 40 ឆ្នាំ នៅភូមិធ្លកសង្កាត់សួង ខេត្តត្បូងឃ្មុំ 2. ឈ្មោះ ទូច ស្រីល័ក្ខ ភេទស្រី អាយុ 22 ឆ្នាំ នៅភូមិជើងឡង សង្កាត់សួង ក្រុងសួង ក្នុងខណៈពេលកំពុងដឹកជញ្ជូនថ្នាំញៀន យកទៅជួញដូរ នៅទឹកដី ឃុំជីគរ ដកហូូតបានម្សៅក្រាមពណ៍ស សង្ស័យថ្នាំញៀន បានចំនួន 25 កញ្ចប់ (ធំ 04 កញ្ចប់ និង តូច 21កញ្ចប់)រួមទាំង ឧបករណ៍ប្រើប្រាស់ និងវិចខ្ចប់គ្រឿងញៀនមួយចំនួន។ បច្ចុប្បន្នមុខសញ្ញា ទាំង05នាក់រួមជាមួយវត្ថុតាងថ្នាំញៀន ត្រូវបានសមត្ថកិច្ចកំពុងចាត់ការតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ7741
- ម្សិលមិញ20231
- សប្តាហ៍នេះ86821
- ខែនេះ108701
- ឆ្នាំនេះ108701
- សរុប20551157