រថយន្តដឹកឈើមួយគ្រឿងក្រឡាប់មួយគ្រឿងទៀតមកជញ្ជូនយកទៅបាត់អស់
11-May-2016 | ដោយ មែន កំសត់
ស្ទឹងត្រែង៖ មានហេតុការណ៍ក្រឡាប់រថយន្ត សាំងយ៉ុងដឹកឈើមួយគ្រឿងនៅលើផ្លូវជាតិលេខ៧អាជិតគល់ស្ពានសេកុង សង្កាត់សាមគ្គីក្រុងស្ទឹងត្រែងកាលពីវេលាម៉ោងជាង៩ព្រឹកថ្ងៃទី១១ ខែឧសភាឆ្នាំ២០១៦។
អ្នកឃើញហេតុការណ៍នោះបាននិយាយថា គ្រាន់តែរថយន្តសាំងយ៉ុងដឹកឈើ មួយគ្រឿងក្រឡាប់ភ្លាមក៏ស្រាប់តែមានរថយន្តសាំងយ៉ុងដូចគ្នាមួយគ្រឿង ទៀតមកលើកឈើយកទៅបាត់អស់មួយចំនួន។ចំណែកឈើប្រណីតធ្នង់មួយចំនួនទៀត ឃើញនៅសែសសល់ក្នុងរថយន្តដែលក្រឡាប់នោះមិនអាចជម្លៀសចេញទាន់ ដោយសារសមត្ថកិច្ចនគរបាលក្រុងស្ទឹងត្រែងទៅដល់កន្លែងកើតហេតុ។
លោក អ៊ុង សុភ័ក្រ មេប៉ុស្តិ៍សង្កាត់សាមគ្គីបានឱ្យដឹងថាអ្នកបើកបររថយន្តឈ្មោះអ៊ីសុខ ណាក់ភេទប្រុសអាយុ៣២ឆ្នាំរស់នៅភូមិកញ្ចាញគោក ឃុំស្រែសំបូរស្រុកសៀ់មប៉ាងខេត្តស្ទឹងត្រែង។ជុំវិញហេតុការណ៍ គ្រោះថ្នាក់ខាងលើនេះលោកថាមិនមានមនុស្សម្នាក់ជួបបាត់បង់ជីវិតឡើយ ឃើញតែមនុស្សម្នាក់រងរបួសស្រាលតែប៉ុណ្ណោះ។បើតាមសម្តីឈ្មោះ អ៊ីសុខណាក់អ្នកបើកបររថយន្តបានប្រាប់សមត្ថកិច្ចថាមុនពេលកើតហេតុ ខ្លួនបើកក្នុងទិសដៅពីជើងមកត្បូងចូលទីរួមខេត្ត។ប៉ុន្តែពេលមកដល់ មុខប៉ុស្តិ៍នគរបាលសង្កាត់សាមគ្គីត្រង់ចំណុចដីហុយក៏ស្រាប់តែរថយន្ត ផ្ទុះកង់ក្រោយបណ្តាលឱ្យជ្រុលចង្កូតធ្លាក់ទៅក្នុងចំណោទតែម្តង។
ហេតុការណ៍គ្រោះថ្នាក់ចរាចរណ៍រថយន្តក្រឡាប់ផ្ទុកសុទ្ធតែឈើប្រណីត ធ្នង់ជាច្រើនសន្លឹកនោះមិនបានរំខានដល់មន្ត្រីជំនាញរដ្ឋបាលព្រៃឈើ ឡើយ។មន្ត្រីជំនាញរដ្ឋបាលព្រៃឈើមួយចំនួនត្រូវគេដាក់ការសង្ស័យថាអាច នឹងត្រូវរ៉ូវគ្នាជាមួយឈ្មួញរកស៊ីឈើពីស្រុកសៀមប៉ាង មកកាន់ក្រុងស្ទឹងត្រែងទើបមិនហ៊ានចុះទៅក្បែរកន្លែងកើតហេតុ។
ចំណែក បង្គោលសុវត្ថិភាពចំនួន៦ដើមនៅសាងខាងផ្លូវជាតិលេខ៧អាត្រូវបាន បាក់រលំរាបដល់ដី។លោកសរគឹមណាតប្រធានមន្ទីរសាធារណការនិង ដឹកជញ្ជូនខេត្តស្ទឹងត្រែងបានបញ្ជាក់ថាចំពោះបញ្ហាបណ្តាលឱ្យបាក់ បង្គោលការពារសុវត្ថិភាពនោះអ្នកបង្កត្រូវទទួលខុសត្រូវចេញថ្លៃសំណង នូវការខូចខាតទាំងអស់។
លោក សរ គឹមណាត បានបញ្ជាក់ថា៖ បង្គោលការពារសុវត្ថិភាពដែលខូចខាតអស់ចំនួន៦ដើមនឹងត្រូវសង ក្នុងតម្លៃមួយដើមយ៉ាងតិចក៏១៥ម៉ឺនរៀលដើម្បីសង់ថ្មីឡើងវិញតែលោក មិនសង្ឃឹមថាអ្នកបង្កឱ្យបាក់បង្គោលហ៊ានចេញមុខធានាសងជូនរដ្ឋវិញ នោះទេដោយសាររថយន្តរបស់គេត្រូវខូចខាតធ្ងន់ធ្ងរ។
រីឯរថយន្ត ក្រោយពីក្រឡាប់ត្រូវបានម្ចាស់ជួលរថយន្តស្ទូចទៅដាក់នៅកន្លែងជួសជុល រថយន្តមិនបានដាក់នៅក្នុងស្នងការដ្ឋាននគរបាលខេត្តស្ទឹងត្រែងឡើយ៕
ចំនួនអ្នកទស្សនា
- ថ្ងៃនេះ7791
- ម្សិលមិញ20231
- សប្តាហ៍នេះ86871
- ខែនេះ108751
- ឆ្នាំនេះ108751
- សរុប20551207