លេបចូលក្នុងពោះហើយនៅតែសមត្ថកិច្ច ដឹងទៀត
14-May-2016 | ដោយ មែន កំសត់
រាជធានីភ្នំពេញ ៖ទោះបីជាខិតខីរកវិធីលួចលាក់រហូតដល់លេបចូលទៅក្នុងពោះក៏ដោយ ក៏បុរសជនជាតិនីហ្សេរីយ៉ាងស្បែកខ្មៅ២នាក់ រួមជាមួយថ្នាំញៀនចំនួន៧០ដុំ ស្មើជិត២គីឡូក្រាមត្រូវបានសមត្ថកិច្ចស្រាវជ្រាវដឹង និងធ្វើការឃាត់ខ្លួនបានភ្លាមនៅព្រលានយន្តហោះអន្តរជាតិភ្នំពេញ កាលពីវេលាម៉ោង៣ និង១៥នាទីរសៀល ថ្ងៃទី០៩ ខែឧសភា ឆ្នាំ២០១៦ ។
លោកឧត្តមសេនីយ៍ឯក ម៉ក់ ជីតូ អគ្គស្នងការរងនគរបាលជាតិ ទទួលបន្ទុកអាជ្ញាធរជាតិប្រយុទ្ធប្រឆាំងគ្រឿងញៀនបានឲ្យដឹងថា ជនជាតិនីហ្សេរីយ៉ាស្បែកខ្មៅ២នាក់ ម្នាក់ឈ្មោះ OKAFOR IFEANYI ANTHONY និងម្នាក់ទៀតឈ្មោះ ADIBE PASCHAL ត្រូវបានសមត្ថកិច្ចចាប់ខ្លួននៅព្រលានយន្តហោះអន្តរជាតិភ្នំពេញ បន្ទាប់ពីស្រាវជ្រាវរកឃើញថ្នាំញៀនប្រភេទកាកូអ៊ីនចំនួន៧០ដុំ មានទម្ងន់ជិត២គីឡូក្រាម ដែលជនសង្ស័យបានចូលក្នុងពោះដើម្បីនាំលួចចូលមកធ្វើចរាចរណ៍ក្នុង ប្រទេសកម្ពុជា ។
លោកឧត្តមសេនីយ៍ឯកបញ្ជាក់ថា ការចាប់ខ្លួននេះធ្វើឡើងដោយមន្ទីរប្រឆាំងគ្រឿងញៀនក្រសួងមហាផ្ទៃ សហការជាមួយសមត្ថកិច្ចគយព្រលានយន្តហោះអន្តរជាតិភ្នំពេញ ព្រមទាំងមានការចូលរួមសម្របសម្រួលពីព្រះរាជអាជ្ញារងរាជធានីភ្នំពេញ ផងដែរ ៕
ចំនួនអ្នកទស្សនា
- ថ្ងៃនេះ10521
- ម្សិលមិញ20231
- សប្តាហ៍នេះ89601
- ខែនេះ111481
- ឆ្នាំនេះ111481
- សរុប20553937