ឯកឧត្តមហ៊ុន ម៉ាណែត៖ការជ្រើសរើសថ្នាក់ដឹកនាំប្រទេស មិនមែនដូចការចាក់ឆ្នោតផ្សងសំណាងទេ
15-May-2016 | ដោយ មែន កំសត់
ភ្នំពេញ ៖ ឯកឧត្តមហ៊ុន ម៉ាណែត កូនប្រុសច្បងរបស់សម្តេចតេជោ ហ៊ុន សែន បានបញ្ជាក់ថា ការជ្រើសរើសថ្នាក់ដឹកនាំប្រទេសមិនមែនដូចការចាក់ឆ្នោតផ្សងសំណាង នោះទេ ព្រោះថ្នាក់ដឹកនាំដែលទទួលខុសត្រូវ គឺសំខាន់ណាស់ ក្នុងការថែរក្សាសន្តិភាព និងការអភិវឌ្ឍន៍។
ការថ្លែងបញ្ជាក់ នេះ បានធ្វើឡើងនៅពិធីបញ្ចុះខណ្ឌសីមានៅវត្តកំពែង ឃុំកំពែង ស្រុកព្រៃកប្បាស ខេត្តតាកែវ កាលពីថ្ងៃទី១៣ ខែឧសភា ឆ្នាំ២០១៦។
ឯកឧត្តមហ៊ុន ម៉ាណែត បានលើកឡើងថា ការអភិវឌ្ឍន៍ដូចសព្វថ្ងៃនេះ គឺបានមកពីឱកាសដែលប្រទេសជាតិមានមានសុខសន្តិភាព គ្មានសង្គ្រាមដូចអតីតកាល និងបានមកពី ការចូលរួមដោយកម្លាំងកាយ កម្លាំងចិត្ត និងលទ្ធភាពរបស់សប្បុរសជនព្រមទាំងផ្នែកដែលពាក់ព័ន្ធជាមួយ រាជរដ្ឋាភិបាលដែលបានធ្វើឲ្យប្រទេសជាតិមានការរីកចម្រើនជា បន្តបន្ទាប់។ កាលពីអតីតកាលប្រជាពលរដ្ឋនៅក្នុងខេត្តតាកែវនិងនៅទូទាំងប្រទេសបាន ជួបនូវការលំបាកនៃសង្គ្រាម។ ប៉ុន្តែសព្វថ្ងៃនេះប្រជាពលរដ្ឋទូទាំងប្រទេសមានភាពសប្បាយរីករាយ ដោយសារសន្តិភាពនិងការអភិវឌ្ឍន៍។
ឯកឧត្តមហ៊ុន ម៉ាណែត បានថ្លែងទៅកាន់ប្រជាពលរដ្ឋថា ការជ្រើសរើសថ្នាក់ដឹកនាំប្រទេសមិនមែនដូចការចាក់ឆ្នោតផ្សងសំណាងនោះ ទេព្រោះថ្នាក់ដឹកនាំដែលទទួលខុសត្រូវគឺសំខាន់ណាស់ក្នុងការថែរក្សា សន្តិភាពនិងការអភិវឌ្ឍន៍ហើយសូមឲ្យប្រជាពលរដ្ឋផ្តល់ការលើកទឹកចិត្ត និងផ្តល់យុត្តិធម៌ចំពោះថ្នាក់ដឹកនាំដែលធ្វើពិតប្រាកដសម្រាប់ ប្រជាជននិងប្រទេសជាតិទាំងមូលឲ្យបានរស់នៅសុខសាន្តនិងសប្បាយរីករាយ៕
ចំនួនអ្នកទស្សនា
- ថ្ងៃនេះ7681
- ម្សិលមិញ20231
- សប្តាហ៍នេះ86761
- ខែនេះ108641
- ឆ្នាំនេះ108641
- សរុប20551097